Qazaqstanda týǵan Kanada azamaty Karim Baratov AQSh biliginiń ózine "Resei tyńshylarymen birigip, Yahoo jelisindegi jarty milliard eseptik jazbalardy buzyp kirdi" dep taqqan aiyby boiynsha kináli ekenin moiyndady, dep habarlaidy Reuters agenttigi.
AQSh ádilet ministrliginiń aqparaty boiynsha, 22 jastaǵy Karim Baratov Kaliforniia shtaty Soltústik okrýginiń soty taqqan "Yahoo jelisiniń akkýanttaryna hakerlik shabýyl jasap, olardyń qupiia kodtaryn Resei tyńshylaryna satty" degen aiyp boiynsha kinásin moiyndaǵan.
AQSh prokýrorlary Baratov pen taǵy úsh adamdy 2014 jyly Yahoo akkaýnttaryn jappai buzǵan dep aiyptaidy. Baratov Kanadada naýryz aiynda Vashington ótinishi boiynsha tutqyndalyp, tamyzda óziniń kelisimimen AQSh-qa ekstraditsiialanǵan.
Qazaqstan úkimeti erterekte Baratovtyń Qazaqstan azamattyǵynan 2011 jyly shyǵyp ketkenin, Kanada azamattyǵyn alǵanyn habarlaǵan edi. Advokatynyń sózinshe, Baratovpen bailanysty is boiynsha aiyptalǵan taǵy bir adam byltyr Reseide ustalǵan. Taǵy eki kúdikti Reseide júr degen boljam aitylady.
Aita keteiik, Baratovqa qatysty sot úkimi 20 aqpanǵa belgilengen sot otyrysynda shyǵady. Aita keteiik, tamyz aiynda ol óziniń kináli emes ekenin málimdemegen bolady.
