Ishki ister ministri Erlan Turǵymbaev osy jyldyń 22 aqpanynda birneshe qalada bolǵan miting kezinde 53 adamnyń ustalǵanyn málim etti, dep habarlaidy "Ult aqparat".
«22 aqpanda Bas prokýratýranyń birneshe márte jasaǵan eskertýine qaramastan kei azamattar sanktsiialanbaǵan mitingige shyqty. Sol sebepti quqyq qorǵaý organdarynyń kúshimen qoǵamdyq tártipti buzýǵa jol bermeý sharalary qabyldandy. 53 adam ustaldy. Onyń 10-y ákimshilik jaýapkershilikke tartyldy. 43 azamat profilaktikalyq tildesýden keiin úiine qaitaryldy», - dedi Erlan Turǵymbaev Úkimet otyrysynan keiin tilshilerge.
Ministrdiń aitýynsha, ustalǵandardyń kóbi Nur-Sultan jáne Almaty qalalarynan bolyp otyr.
