Foto: tengrinews.kz
2026 jylǵy 1 qańtardan bastap Qazaqstanda jańa Salyq kodeksi qoldanysqa enedi. Osyǵan bailanysty taksi júrgizýshileri men kýrerler úshin mańyzdy habarlandyrý jasaldy, dep habarlaidy Memlekettik kirister departamenti.
Departament 2025 jylǵy 18 shildede elimizde jańa Salyq kodeksi bekitilgenin eske saldy. Ondaǵy negizgi jańalyqtardyń biri – arnaýly salyq rejimderiniń sany jetiden úshke deiin qysqartylýy. Iaǵni, ózin-ózi jumyspen qamtyǵandarǵa, ońailatylǵan deklaratsiia boiynsha jáne sharýa nemese fermer qojalyqtaryna arnalǵan rejimder ǵana saqtaldy.
Osy oraida Almaty qalasy boiynsha Memlekettik kirister departamenti salyq tóleýshilerge, ásirese ózine qolaily rejimde jumysyn jalǵastyrǵysy keletinderge, ótpeli erejelerdi qatań saqtaýdyń mańyzdy ekenin eskertedi.
"Taksi júrgizýshileri, kýrerler jáne osyǵan uqsas qyzmet kórsetetin tulǵalar kelesi aqparatqa nazar aýdarýy qajet. Eger buǵan deiin patentte nemese arnaiy mobildik qosymsha arqyly jumys istegen jeke kásipkerler 2026 jylǵy 1 naýryzǵa deiin "jańa" ońailatylǵan deklaratsiia rejimine kóshý týraly habarlama bermese, olar avtomatty túrde jeke kásipker retinde tirkeýden shyǵarylady jáne eger rejim talaptaryna sáikes kelse, qyzmetin ózin-ózi jumyspen qamtyǵandar retinde jalǵastyra alady", - delingen habarlamada.
Sondai-aq departament ońailatylǵan deklaratsiia nemese bólshek salyq rejimi boiynsha jumys isteitin salyq tóleýshiler úshin mańyzdy aqparat jariialady.
"2026 jylǵy 1 qańtarǵa deiin arnaiy salyq rejimderin qoldanǵan jáne "jańa" ońailatylǵan deklaratsiia rejimine ótýdi josparlaǵan salyq tóleýshiler, kóshý týraly habarlamany 2026 jylǵy 1 naýryzdan keshiktirmei tapsyrýy tiis, áitpese olar jalpyǵa birdei belgilengen salyq salý rejimine aýystyrylady jáne ońailatylǵan deklaratsiiaǵa tek bir jyl jumys istegennen keiin ǵana óte alady", - delingen habarlamada.
Almaty qalasy boiynsha Memlekettik kirister departamenti salyq tóleýshilerdi jańa Salyq kodeksiniń normalarymen aldyn ala tanysyp, qalaǵan salyq salý rejiminde qalý úshin qajetti habarlamalardy ýaqytyly tapsyrýǵa shaqyrady.
