فوتو: tengrinews.kz
2026 جىلعى 1 قاڭتاردان باستاپ قازاقستاندا جاڭا سالىق كودەكسٸ قولدانىسقا ەنەدٸ. وسىعان بايلانىستى تاكسي جٷرگٸزۋشٸلەرٸ مەن كۋرەرلەر ٷشٸن ماڭىزدى حابارلاندىرۋ جاسالدى, دەپ حابارلايدى مەملەكەتتٸك كٸرٸستەر دەپارتامەنتٸ.
دەپارتامەنت 2025 جىلعى 18 شٸلدەدە ەلٸمٸزدە جاڭا سالىق كودەكسٸ بەكٸتٸلگەنٸن ەسكە سالدى. ونداعى نەگٸزگٸ جاڭالىقتاردىڭ بٸرٸ – ارناۋلى سالىق رەجيمدەرٸنٸڭ سانى جەتٸدەن ٷشكە دەيٸن قىسقارتىلۋى. ياعني, ٶزٸن-ٶزٸ جۇمىسپەن قامتىعاندارعا, وڭايلاتىلعان دەكلاراتسييا بويىنشا جەنە شارۋا نەمەسە فەرمەر قوجالىقتارىنا ارنالعان رەجيمدەر عانا ساقتالدى.
وسى ورايدا الماتى قالاسى بويىنشا مەملەكەتتٸك كٸرٸستەر دەپارتامەنتٸ سالىق تٶلەۋشٸلەرگە, ەسٸرەسە ٶزٸنە قولايلى رەجيمدە جۇمىسىن جالعاستىرعىسى كەلەتٸندەرگە, ٶتپەلٸ ەرەجەلەردٸ قاتاڭ ساقتاۋدىڭ ماڭىزدى ەكەنٸن ەسكەرتەدٸ.
"تاكسي جٷرگٸزۋشٸلەرٸ, كۋرەرلەر جەنە وسىعان ۇقساس قىزمەت كٶرسەتەتٸن تۇلعالار كەلەسٸ اقپاراتقا نازار اۋدارۋى قاجەت. ەگەر بۇعان دەيٸن پاتەنتتە نەمەسە ارنايى موبيلدٸك قوسىمشا ارقىلى جۇمىس ٸستەگەن جەكە كەسٸپكەرلەر 2026 جىلعى 1 ناۋرىزعا دەيٸن "جاڭا" وڭايلاتىلعان دەكلاراتسييا رەجيمٸنە كٶشۋ تۋرالى حابارلاما بەرمەسە, ولار اۆتوماتتى تٷردە جەكە كەسٸپكەر رەتٸندە تٸركەۋدەن شىعارىلادى جەنە ەگەر رەجيم تالاپتارىنا سەيكەس كەلسە, قىزمەتٸن ٶزٸن-ٶزٸ جۇمىسپەن قامتىعاندار رەتٸندە جالعاستىرا الادى", - دەلٸنگەن حابارلامادا.
سونداي-اق دەپارتامەنت وڭايلاتىلعان دەكلاراتسييا نەمەسە بٶلشەك سالىق رەجيمٸ بويىنشا جۇمىس ٸستەيتٸن سالىق تٶلەۋشٸلەر ٷشٸن ماڭىزدى اقپارات جارييالادى.
"2026 جىلعى 1 قاڭتارعا دەيٸن ارنايى سالىق رەجيمدەرٸن قولدانعان جەنە "جاڭا" وڭايلاتىلعان دەكلاراتسييا رەجيمٸنە ٶتۋدٸ جوسپارلاعان سالىق تٶلەۋشٸلەر, كٶشۋ تۋرالى حابارلامانى 2026 جىلعى 1 ناۋرىزدان كەشٸكتٸرمەي تاپسىرۋى تيٸس, ەيتپەسە ولار جالپىعا بٸردەي بەلگٸلەنگەن سالىق سالۋ رەجيمٸنە اۋىستىرىلادى جەنە وڭايلاتىلعان دەكلاراتسيياعا تەك بٸر جىل جۇمىس ٸستەگەننەن كەيٸن عانا ٶتە الادى", - دەلٸنگەن حابارلامادا.
الماتى قالاسى بويىنشا مەملەكەتتٸك كٸرٸستەر دەپارتامەنتٸ سالىق تٶلەۋشٸلەردٸ جاڭا سالىق كودەكسٸنٸڭ نورمالارىمەن الدىن الا تانىسىپ, قالاعان سالىق سالۋ رەجيمٸندە قالۋ ٷشٸن قاجەتتٸ حابارلامالاردى ۋاقىتىلى تاپسىرۋعا شاقىرادى.
