Foto: gov.kz
2026 jylǵy 1 qańtardan bastap jańa Salyq kodeksine sáikes kólik salyǵyn esepteý tártibi ózgeredi. Endi jeńil avtokóliktiń paidalaný merzimi 10–20 jyl bolsa, salyq 0,7 koeffitsientimen, al 20 jyldan assa 0,5 koeffitsientimen esepteledi. Bul jeńildik 2026 jyl úshin 2027 jyly tólenetin salyqqa qoldanylady.
Qozǵaltqysh kólemi 3000 tekshe santimetrden asatyn, 2013 jyldyń 31 jeltoqsanynan keiin óndirilgen nemese elge ákelingen jeńil kólikterge qatysty joǵary salyq mólsherlemeleri alynyp tastaldy.
Sharýa jáne fermer qojalyqtary bir dana pikap avtokóligi úshin kólik salyǵynan bosatylady. Sondai-aq kólik quraldaryn (pikap, djip, fýrgon t.b.) túrine qarai sanattaý normasy joiylyp, endi sanat kólikti tirkeý kýáliginde kórsetilgen júrgizýshi kýáligi sanatyna (A, B, C, D) sáikes aiqyndalady.
2026 jyldan bastap kólik salyǵy boiynsha aǵymdaǵy eseptilik tapsyrylmaidy. Salyq tóleýshiler tek jyldyq deklaratsiia ótkizip, salyqty jylyna bir ret tóleitin bolady.
