Foto: ashyq derekkóz
Ulttyq statistika biýrosynyń málimetinshe, Qazaqstanda 2025 jyldyń qańtar-jeltoqsan ailarynda barlyq kólik túrimen jóneltilgen júk kólemi 2024 jylmen salystyrǵanda 7,9% ósti. Eseptik kezeńde jalpy 1,1 mlrd tonna júk tasymaldandy, dep habarlaidy Ult.kz.
Kásiporyndardyń júk tasymalynan tapqan tabysy 5,7 trln teńgeni qurady.
Júk tasymalynyń negizgi úlesin temirjol kóligi alady – jalpy kólemniń 40,1%. Eseptik kezeńde temirjol kóligimen 466,7 mln tonna júk tasymaldandy, bul aldyńǵy jylmen salystyrǵanda 6,8% kóp. Bul tasymal túrinen túsken tabys 2,2 trln teńgeni qurady.
Avtomobil kóligimen 352,7 mln tonna júk tasymaldandy, tabys 1,4 trln teńgeni qurady. Aldyńǵy kezeńmen salystyrǵanda avtokólikpen taymaldanǵan júk kólemi 2,8% ósti.
Qubyr arqyly tasymal kólemi 339,8 mln tonna boldy. Osy sektordaǵy tabys 1,9 trln teńgege shyqty. Tasymal kóleminiń jyldyq ósimi 15%.
Ushaq arqyly 30,1 myń tonna júk tasymaldandy, ondaǵy jyldyq ósim – 8,1%. Júk tasymalynan kásiporyndar 18,9 mlrd teńge tabys tapqan.
Ótken jyldyń 12 aiyndaǵy júk ainalymy 584,3 mlrd tonna-kilometrdi qurap, 2024 jyldyń sáikes kezeńimen salystyrǵanda 13,6% artty.
Aimaqtyq turǵydan 2025 jyldyń qańtar–jeltoqsan ailarynda júk ainalymynyń ósimi: Astana qalasynda (21,7%), Jetisý (49,8%), Atyraý (45,1%), Abai (36,5%), Túrkistan (29,3%), Mańǵystaý (29%), Aqtóbe (12,5%), Pavlodar (10,8%), Qostanai (10,8%), Batys Qazaqstan (9,2%), Almaty (9%), Qaraǵandy (8,5%), Qyzylorda (8,1%), Soltústik Qazaqstan (3,9%), Ulytaý (3,4%) jáne Aqmola oblystarynda (1,7%) baiqaldy.
