Almatynyń týristik salasy qala ekonomikasynyń negizgi qozǵaýshy kúshteriniń biri retindegi pozitsiiasyn nyǵaityp keledi, dep habarlaidy ult.kz.
2026 jyldyń birinshi toqsanynyń qorytyndysy boiynsha týrizm salasyna tartylǵan investitsiia kólemi 25,2 mlrd teńge boldy. Bul ótken jyldyń osy kezeńimen salystyrǵanda 3,8%-ǵa joǵary.
Investitsiianyń basym bóligi áýe jolaýshylar tasymalyn, oiyn-saýyq indýstriiasyn, demalys salasyn jáne qalalyq mobildilikti damytýǵa baǵyttalǵan.
Týrizm salasynan túsetin salyq kólemi de turaqty ósim kórsetip otyr. 2026 jyldyń alǵashqy úsh aiynda jergilikti biýdjetke 22 mlrd teńge salyq túsken. Bul byltyrmen salystyrǵanda 10%-ǵa artyq.
Biýdjetke eń kóp kiris qoǵamdyq tamaqtaný, oiyn-saýyq, qonaq úi qyzmeti jáne jolaýshylar tasymaly salalarynan túsken.
Almaty qalasy Týrizm basqarmasynyń málimetinshe, oń dinamika megapolistiń joǵary investitsiialyq tartymdylyǵyn jáne qalanyń týristik infraqurylymyn damytý áleýetiniń artyp kele jatqanyn kórsetedi.
