فوتو: اشىق دەرەككٶز
ۇلتتىق ستاتيستيكا بيۋروسىنىڭ مەلٸمەتٸنشە, قازاقستاندا 2025 جىلدىڭ قاڭتار-جەلتوقسان ايلارىندا بارلىق كٶلٸك تٷرٸمەن جٶنەلتٸلگەن جٷك كٶلەمٸ 2024 جىلمەن سالىستىرعاندا 7,9% ٶستٸ. ەسەپتٸك كەزەڭدە جالپى 1,1 ملرد توننا جٷك تاسىمالداندى, دەپ حابارلايدى Ult.kz.
كەسٸپورىنداردىڭ جٷك تاسىمالىنان تاپقان تابىسى 5,7 ترلن تەڭگەنٸ قۇرادى.
جٷك تاسىمالىنىڭ نەگٸزگٸ ٷلەسٸن تەمٸرجول كٶلٸگٸ الادى – جالپى كٶلەمنٸڭ 40,1%. ەسەپتٸك كەزەڭدە تەمٸرجول كٶلٸگٸمەن 466,7 ملن توننا جٷك تاسىمالداندى, بۇل الدىڭعى جىلمەن سالىستىرعاندا 6,8% كٶپ. بۇل تاسىمال تٷرٸنەن تٷسكەن تابىس 2,2 ترلن تەڭگەنٸ قۇرادى.
اۆتوموبيل كٶلٸگٸمەن 352,7 ملن توننا جٷك تاسىمالداندى, تابىس 1,4 ترلن تەڭگەنٸ قۇرادى. الدىڭعى كەزەڭمەن سالىستىرعاندا اۆتوكٶلٸكپەن تاىمالدانعان جٷك كٶلەمٸ 2,8% ٶستٸ.
قۇبىر ارقىلى تاسىمال كٶلەمٸ 339,8 ملن توننا بولدى. وسى سەكتورداعى تابىس 1,9 ترلن تەڭگەگە شىقتى. تاسىمال كٶلەمٸنٸڭ جىلدىق ٶسٸمٸ 15%.
ۇشاق ارقىلى 30,1 مىڭ توننا جٷك تاسىمالداندى, ونداعى جىلدىق ٶسٸم – 8,1%. جٷك تاسىمالىنان كەسٸپورىندار 18,9 ملرد تەڭگە تابىس تاپقان.
ٶتكەن جىلدىڭ 12 ايىنداعى جٷك اينالىمى 584,3 ملرد توننا-كيلومەتردٸ قۇراپ, 2024 جىلدىڭ سەيكەس كەزەڭٸمەن سالىستىرعاندا 13,6% ارتتى.
ايماقتىق تۇرعىدان 2025 جىلدىڭ قاڭتار–جەلتوقسان ايلارىندا جٷك اينالىمىنىڭ ٶسٸمٸ: استانا قالاسىندا (21,7%), جەتٸسۋ (49,8%), اتىراۋ (45,1%), اباي (36,5%), تٷركٸستان (29,3%), ماڭعىستاۋ (29%), اقتٶبە (12,5%), پاۆلودار (10,8%), قوستاناي (10,8%), باتىس قازاقستان (9,2%), الماتى (9%), قاراعاندى (8,5%), قىزىلوردا (8,1%), سولتٷستٸك قازاقستان (3,9%), ۇلىتاۋ (3,4%) جەنە اقمولا وبلىستارىندا (1,7%) بايقالدى.
