Foto: Ortalyq kommýnikatsiialar qyzmeti
Jyl saiyn jeke tabysy týraly deklaratsiia tapsyratyn azamattardyń sany artady. Bul týraly Qarjy ministrligi memlekettik kirister komitetiniń óndiristik emes tólemderdi, jeke tulǵalardy jáne arnaýly salyq rejimderin ákimshilendirý departamentiniń direktory Nurjan Qýandyqov málim etti, dep habarlaidy Kazinform.
«2024 jyly 1 qańtardan bastap deklaratsiiany zańdy tulǵalardyń quryltaishylary, jeke kásipkerlerdiń basshylary, olardyń jubailary (zaiyby) tapsyrady. Shamamen 3,9 million adam josparlanǵan. 2025 jylǵy 1 qańtardan bastap azamattardyń basqa sanattary (mysaly, jeke qurylymdardyń qyzmetkerleri, zeinetkerler, úi sharýasyndaǵy áielder, stýdentter jáne taǵy basqa) tapsyrady. Bul - 6,9 million adam. 2025 jyly deklaratsiia tapsyratyn tulǵalar 13 millionnan asady dep josparlanyp otyr», - dedi Nurjan Qýandyqov Ortalyq kommýnikatsiialar qyzmeti alańynda ótken baspasóz máslihatynda.
Onyń aitýynsha, kelesi jyly biznesmender jeke múlikterin jariialaýy kerek. Bul degenimiz jeke kásipkerler, birinshi basshylar, quryltaishylar, zańdy tulǵalardyń qatysýshylary. Jumys istemei turǵan jáne jumysyn toqtatqan kásipkerler de deklaratsiia tapsyrýǵa mindetti.
