2025 jyly bilim granttarynyń sany 75 myńǵa jetedi. Bul týraly QR Bilim jáne ǵylym ministri Ashat Aimaǵambetov aitty, dep habarlaidy QazAqparat.
«Eger memlekettik tapsyrys jaiynda aitar bolsaq, Konstitýtsiiada konkýrs arqyly joǵary bilim alý quqyǵy bekitilgen. Tek sońǵy 3 jylda ǵana joǵary bilim alýǵa arnalǵan granttardyń sany 2 esege ulǵaidy desek bolady. Qazirgi ýaqytta granttardyń sany 56 myńǵa jetip otyr», - dedi ministr QR Prezidenti janyndaǵy Adam quqyqtary jónindegi komissiia otyrysynda.
Onyń atap ótýinshe, Nur Otan partiiasynyń bekitilgen baǵdarlamasynda granttar sanyn taǵy ulǵaitý kózdelgen.
«Qazirgi ýaqytta Nur Otan partiiasynyń bekitilgen baǵdarlamasy bar jáne 2025 jyly granttaryn sanyn taǵy arttyrý kózdelgen. 75 myńǵa jýyq grantqa jetetin bolady. Bul memleket tarapynan kórsetilip otyrǵan úlken qoldaý. Shákirtaqyǵa qatysty aitar bolsa, sońǵy úsh jylda onyń kólemi de eki esege artty», - dedi Ashat Aimaǵambetov.
