2025 جىلى بٸلٸم گرانتتارىنىڭ سانى 75 مىڭعا جەتەدٸ. بۇل تۋرالى قر بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى قازاقپارات.
«ەگەر مەملەكەتتٸك تاپسىرىس جايىندا ايتار بولساق, كونستيتۋتسييادا كونكۋرس ارقىلى جوعارى بٸلٸم الۋ قۇقىعى بەكٸتٸلگەن. تەك سوڭعى 3 جىلدا عانا جوعارى بٸلٸم الۋعا ارنالعان گرانتتاردىڭ سانى 2 ەسەگە ۇلعايدى دەسەك بولادى. قازٸرگٸ ۋاقىتتا گرانتتاردىڭ سانى 56 مىڭعا جەتٸپ وتىر», - دەدٸ مينيستر قر پرەزيدەنتٸ جانىنداعى ادام قۇقىقتارى جٶنٸندەگٸ كوميسسييا وتىرىسىندا.
ونىڭ اتاپ ٶتۋٸنشە, Nur Otan پارتيياسىنىڭ بەكٸتٸلگەن باعدارلاماسىندا گرانتتار سانىن تاعى ۇلعايتۋ كٶزدەلگەن.
«قازٸرگٸ ۋاقىتتا Nur Otan پارتيياسىنىڭ بەكٸتٸلگەن باعدارلاماسى بار جەنە 2025 جىلى گرانتتارىن سانىن تاعى ارتتىرۋ كٶزدەلگەن. 75 مىڭعا جۋىق گرانتقا جەتەتٸن بولادى. بۇل مەملەكەت تاراپىنان كٶرسەتٸلٸپ وتىرعان ٷلكەن قولداۋ. شەكٸرتاقىعا قاتىستى ايتار بولسا, سوڭعى ٷش جىلدا ونىڭ كٶلەمٸ دە ەكٸ ەسەگە ارتتى», - دەدٸ اسحات ايماعامبەتوۆ.
