Foto: almaty.gov.kz
Almaty ákimi Darhan Satybaldynyń tóraǵalyǵymen ótken jiynda qalany jaryqtandyrýdyń sheber jospary tanystyryldy, dep habarlaidy Ult.kz.
Joba barlyq aýdan men negizgi baǵytty qamtidy. Maqsat – qaýipsizdik pen energiia únemdeý boiynsha zamanaýi standarttarǵa sai biryńǵai jaryqtandyrý júiesin qalyptastyrý.
Qujatta kóshe men qoǵamdyq keńistikterdi kezeń-kezeńimen jaryqtandyrý, sáýlettik jáne is-sharalyq jaryqtandyrýdy damytý, jaryq lastanýyn azaitý jáne syrtqy jaryqtandyrý «aqyldy qala» júiesine biriktirý kózdelgen.
«Jobanyń júzege asýyn ózim jiti baqylaýǵa alamyn. Keshkisin nysandardy aralap kóremin, — dedi ákim.
2025 jyldyń sońyna deiin qalanyń barlyq kóshesin tolyq jaryqtandyrý josparlanyp otyr. Bul túngi ýaqyttaǵy qaýipsizdikti arttyryp, qala turǵyndarynyń jaily ómir súrýine septigin tigizbek.
