.webp)
Qazaqstan prezidenti Qasym-Jomart Toqaev pen Qytai halyq respýblikasynyń tóraǵasy Si Tszinpin kelissózderden keiingi baspasózge arnalǵan málimdeme barysynda kelesi jyly elimizde "Qytai týrizmi jylyn" ótkizý týraly sheshim qabyldady.
Aqordada sóz alǵan Si Tszinpin eki elde Qazaqstan men Qytaidyń mádeni ortalyqtary, Beijiń til jáne mádeniet ýniversitetiniń filialy ashylǵanyn atap ótti.
Onyń aitýynsha, bul qazaq pen qytai halyqtarynyń jaqyndasýyna yqpal etýge tiis. Qazaqstanda ekinshi Lý Ban sheberhanasyn ashý, sondai-aq kelesi jyly Qazaqstanda Qytai týrizmi jylyn ótkizý týraly sheshim qabyldandy dedi Si Tszinpin.
Budan bólek Si Tszinpin elder kino jáne media salasyndaǵy yntymaqtastyqty keńeitý qajet ekenin aitty.
Al Qazaqstan basshysynyń aitýynsha, mádeni-gýmanitarlyq bailanysty jáne týrizm salasyndaǵy yqpaldastyqty kúsheitýge basa nazar aýdarylǵan.
"Kelissózder barysynda mádeni-gýmanitarlyq bailanysty jáne týrizm salasyndaǵy yqpaldastyqty kúsheitýge basa nazar aýdaryldy. Osy sapar aiasynda Beijińde Qazaqstannyń jáne Astanada Qytaidyń Mádeni ortalyqtary ashyldy. Muny ekijaqty bailanysty bekemdeý úshin jasalǵan óte mańyzdy qadam dep aitýǵa bolady. Bul bastamalar halyqtarymyzdy mádeni turǵydan jaqyndatyp, ózara dostyq pen tatý kórshilik qatynastardy nyǵaitýǵa yqpal etedi dep senemin. Munan bólek, eki el aýmaǵynda turaqty túrde mádeni is-sharalar ótkizýge ýaǵdalastyq", – dedi Qasym-Jomart Toqaev.
Eske salaiyq, 3-4 shildede Astanada Qazaqstannyń tóraǵalyǵymen Shanhai yntymaqtastyq uiymynyń sammiti ótetini aityldy. 10 myńǵa jýyq sheteldik delegat keledi dep boljanyp otyr. Al bir kún buryn Qasym-Jomart Toqaevtyń shaqyrýymen QHR tóraǵasy Si Tszinpin memlekettik saparmen Astanaǵa keldi. Joǵary mártebeli meimandy áýejaidan Qazaqstan basshysynyń ózi qarsy aldy.
