Foto: ashyq derekkóz
2025 jyl Memleket basshysynyń bastamasymen «Jumysshy mamandyqtary jyly» dep jariialanǵan bolatyn. Osyǵan orai, elimizde eńbek naryǵynda suranysqa ie injenerlik jáne tehnikalyq salalarda mamandar daiarlaýǵa erekshe kóńil bólinýde. Bul týraly Úkimet kýlýarynda Ǵylym jáne joǵary bilim ministri Saiasat Nurbek málimdedi, dep habarlaidy Ult.kz.
Ministrdiń aitýynsha, biyl mektepti 216 myń túlek aiaqtaǵan. Joǵary bilimge túsetin jastar sany jyl saiyn artyp keledi. Osy jyly bakalavriatqa 78 myń, al magistratýra men doktorantýraǵa 93 myńnan astam grant bólingen.
«Biyl bólingen granttardyń 60%-dan astamy injenerlik jáne tehnikalyq mamandyqtarǵa berildi. Atap aitqanda, injenerlik baǵytta – 18 myńnan astam, pedagogikaǵa – 13 myń, IT jáne jasandy intellekt salasyna – 11 myń grant bólindi», – dedi Saiasat Nurbek.
Sondai-aq, óńirlik suranysty eskere otyryp, veterinariia, energetika, sý sharýashylyǵy, irrigatsiia jáne gidrotehnologiialar siiaqty sirek kezdesetin mamandyqtarǵa aimaqtyq kvotalar engizilgen.
Buǵan qosa, biyl alǵash ret áskeri boryshyn ótegen azamattar úshin 2 myń grant bólinip otyr. Sonymen qatar, ata-anasynan aiyrylǵan jetim balalar men áleýmettik osal toptardan shyqqan túlekter úshin de arnaiy kvotalar qarastyrylǵan.
Ministr taǵy bir jaǵymdy jańalyqpen bólisti:
«“Serpin” baǵdarlamasy boiynsha biyl rekordtyq kórsetkishke jettik – 83% grant igerildi. Buryn bul kórsetkish 40-50% aralyǵynda bolsa, byltyr 67%-ǵa jetken edi. Endi talapkerler elimizdiń 9 óńirinde bilim alady», – dedi Saiasat Nurbek.
.jpeg)