4 jyl saiyn uiymdastyrylatyn jazǵy Olimpiada oiyndary 2024 jyly Parij qalasynda ótetin boldy, dep habarlaidy QazAqparat tilshisi BBC aqparat kózine silteme jasap.
Al Los-Andjeles Olimpiadany 2028 jyly qabyldap almaq. Osy ýaqytqa deiin álemdegi eń iri shaharlary sanalatyn qos qalanyń qaisysy Olimpiada oiyndaryn birinshi ótkizetini belgili bolmaǵan edi. Úmitkerlerge bul týrasynda ózara kelisimge kelý mindettelgen.
31 shildede Los-Andjeles qalasynyń 2028 jyly Olimpiada oiyndaryn ótkizý týraly resmi túrde ótinim bergeni belgili bolǵan edi.
Aita keterligi, atalǵan eki qalada da eki márte jazǵy oiyndar ótkizilgen bolatyn. Atap aitqanda, álemdik dárejedegi aýqymdy sport saiysyn Parij 1900 jáne 1920 jyly, al Los-Andjeles 1932 jáne 1984 jyly ótkizgen bolatyn.
Al aldaǵy 2020 jylǵy jazǵy Olimpiada oiyndary Tokio qalasynda ótedi.
