2023 jyly politsiia jáne prokýratýra organdarynda jumystyń «servistik» modeli engiziledi. Bul týraly Májilistegi «Nur Otan» partiiasy parlamenttik fraktsiiasynyń keńeitilgen otyrysynda Úkimet basshysy Asqar Mamin aitty, dep habarlaidy QazAqparat.
«Quqyq qorǵaý jáne sot júiesin odan ary jańǵyrtý jónindegi sharalar qabyldanatyn bolady.2021 jyly azamattardyń quqyq qorǵaýorgandyrmen jedel ózara is-áreketin qamtamasyz etý úshin mobildi qosymsha men chat-bottar ázirlenip, engiziledi», - dedi Úkimet basshysy «Nur Otan» partiiasynyń «Ózgerister joly: ár azamatqa laiyqty ómir!» Sailaý baǵdarlamasyn oryndaýdyń Jol kartasyn talqylaý barysynda.
Onyń aitýynsha, Buzýshylyqtardyń aldyn alý júiesin damytý jónindegi tujyrymdama qabyldanady.
«2023 jyly politsiia jáne prokýratýra organdarynda jumystyń «servistik» modeli engiziledi. 2024 jyly memleket kepildik beretin quqyqtyq kómektiń kólemi 2 esege artady. Quqyq qorǵaý organarynyń quzireti naqty bólinedi», - dedi Asqar Mamin.
Úkimet basshysynyń aitýynsha, jergilikti politsiia qyzmetinde «qadamdyq jerdegi politsiia» ustanymyn engizý maqsatynda 2021-2025 jyldary 176 modýldik statsionarlyq post, 390 ýchaskelik pýnkt salynady.
«Qoǵamdyq qaýipsizdikti qamtamasyz etý úshin 2021 jyly 17 qalada jáne odan keiin 2025 jylǵa qarai 69 monoqalada baqylaý júiesi engiziledi», - dedi Asqar Mamin.
