2023 جىلى پوليتسييا جەنە پروكۋراتۋرا ورگاندارىندا جۇمىستىڭ «سەرۆيستٸك» مودەلٸ ەنگٸزٸلەدٸ. بۇل تۋرالى مەجٸلٸستەگٸ «Nur Otan» پارتيياسى پارلامەنتتٸك فراكتسيياسىنىڭ كەڭەيتٸلگەن وتىرىسىندا ٷكٸمەت باسشىسى اسقار مامين ايتتى, دەپ حابارلايدى قازاقپارات.
«قۇقىق قورعاۋ جەنە سوت جٷيەسٸن ودان ارى جاڭعىرتۋ جٶنٸندەگٸ شارالار قابىلداناتىن بولادى.2021 جىلى ازاماتتاردىڭ قۇقىق قورعاۋورگاندىرمەن جەدەل ٶزارا ٸس-ەرەكەتٸن قامتاماسىز ەتۋ ٷشٸن موبيلدٸ قوسىمشا مەن چات-بوتتار ەزٸرلەنٸپ, ەنگٸزٸلەدٸ», - دەدٸ ٷكٸمەت باسشىسى «Nur Otan» پارتيياسىنىڭ «ٶزگەرٸستەر جولى: ەر ازاماتقا لايىقتى ٶمٸر!» سايلاۋ باعدارلاماسىن ورىنداۋدىڭ جول كارتاسىن تالقىلاۋ بارىسىندا.
ونىڭ ايتۋىنشا, بۇزۋشىلىقتاردىڭ الدىن الۋ جٷيەسٸن دامىتۋ جٶنٸندەگٸ تۇجىرىمداما قابىلدانادى.
«2023 جىلى پوليتسييا جەنە پروكۋراتۋرا ورگاندارىندا جۇمىستىڭ «سەرۆيستٸك» مودەلٸ ەنگٸزٸلەدٸ. 2024 جىلى مەملەكەت كەپٸلدٸك بەرەتٸن قۇقىقتىق كٶمەكتٸڭ كٶلەمٸ 2 ەسەگە ارتادى. قۇقىق قورعاۋ ورگانارىنىڭ قۇزٸرەتٸ ناقتى بٶلٸنەدٸ», - دەدٸ اسقار مامين.
ٷكٸمەت باسشىسىنىڭ ايتۋىنشا, جەرگٸلٸكتٸ پوليتسييا قىزمەتٸندە «قادامدىق جەردەگٸ پوليتسييا» ۇستانىمىن ەنگٸزۋ ماقساتىندا 2021-2025 جىلدارى 176 مودۋلدٸك ستاتسيونارلىق پوست, 390 ۋچاسكەلٸك پۋنكت سالىنادى.
«قوعامدىق قاۋٸپسٸزدٸكتٸ قامتاماسىز ەتۋ ٷشٸن 2021 جىلى 17 قالادا جەنە ودان كەيٸن 2025 جىلعا قاراي 69 مونوقالادا باقىلاۋ جٷيەسٸ ەنگٸزٸلەدٸ», - دەدٸ اسقار مامين.
