Foto: newscentralasia
2023 jyly kóliktiń barlyq túrimen júk tasymaly 4,4 paiyzǵa ulǵaidy, dep habarlaidy «Ult aqparat» Kólik ministrliginiń baspasóz qyzmetine silteme jasap.
«Qazaqstan Respýblikasy Strategiialyq josparlaý jáne reformalar agenttiginiń ulttyq statistika biýrosynyń derekteri boiynsha 2023 jyly Qazaqstan Respýblikasynyń aýmaǵy boiynsha kóliktiń barlyq túrimen júkterdi tasymaldaýdan el biýdjetine 4 193 707,5 million teńge tústi. Bul 2022 jylǵy kórsetkishten 22 paiyzǵa (2022 jyly – 3 264 416,1 million teńge) artyq», - delingen ministrliktiń agenttik saýalyna bergen jaýabynda.
Vedomstvo málimetinshe, kóliktiń barlyq túrimen júk tasymaldaý kólemi 4,4 paiyzǵa ulǵaiyp, 980,7 mln tonnany qurady. Al 2022 jyly kóliktiń barlyq túrimen 939,5 mln tonna júk tasymaldanǵan bolatyn.
«Búgingi tańda júkterdi tasymaldaý baǵasy básekelestik ortada jáne kólik-logistika sektorlarynyń kompaniialary qalyptastyrady», - dedi Kólik ministrliginen.
