Qazaqstan Prezidenti Qasym-Jomart Toqaev koronavirýspen kúres sharalaryna atsalysyp júrgen dárigerlerge ústemeaqy tóleý úshin qosymsha qarjy bólýdi tapsyrdy, dep habarlaidy Sputnik Qazaqstan.
"Jaqyn arada biýdjetti naqtylaý kezinde meditsina qyzmetkerlerine ekinshi jartyjyldyqta yntalandyrý ústemeaqy tóleý úshin qosymsha 150 milliard teńgeni bólip berýdi tapsyramyn. Biz buny daǵdarys jaǵdaiynda istep jatyrmyz. Osyny júieli túrde júzege asyrý qajet", - dedi Toqaev Parlament palatalarynyń birlesken otyrysynda.
Osy oraida Memleket basshysy dárigerlerdiń jalaqysyna da toqtaldy. Prezidenttiń aitýynsha, úsh jyldan keiin meditsina qyzmetkerleriniń eńbekaqysy aitarlyqtai ósedi.
"2023 jylǵa qarai dárigerlerdiń jalaqysy ekonomikadaǵy ortasha jalaqydan eki ese artyq bolady", - dep atap kórsetti Toqaev.
Aita ketsek, Prezident óz Joldaýynda muǵalimderdiń jalaqysyn kóterý máselesine de toqtalǵan bolatyn. Bul úshin aldaǵy úsh jylda qosymsha 1,2 trillion teńge bólinedi. 2021 jyldyń qańtar aiynan bastap muǵalimderdiń eńbekaqysy 25 protsentke artady. Jalaqy mólsheri aldaǵy ýaqytta da arta beredi. Osylaisha, ustazdardyń eńbekaqysy eki esege kóbeiedi.
