قازاقستان پرەزيدەنتٸ قاسىم-جومارت توقاەۆ كوروناۆيرۋسپەن كٷرەس شارالارىنا اتسالىسىپ جٷرگەن دەرٸگەرلەرگە ٷستەمەاقى تٶلەۋ ٷشٸن قوسىمشا قارجى بٶلۋدٸ تاپسىردى, دەپ حابارلايدى Sputnik قازاقستان.
"جاقىن ارادا بيۋدجەتتٸ ناقتىلاۋ كەزٸندە مەديتسينا قىزمەتكەرلەرٸنە ەكٸنشٸ جارتىجىلدىقتا ىنتالاندىرۋ ٷستەمەاقى تٶلەۋ ٷشٸن قوسىمشا 150 ميلليارد تەڭگەنٸ بٶلٸپ بەرۋدٸ تاپسىرامىن. بٸز بۇنى داعدارىس جاعدايىندا ٸستەپ جاتىرمىز. وسىنى جٷيەلٸ تٷردە جٷزەگە اسىرۋ قاجەت", - دەدٸ توقاەۆ پارلامەنت پالاتالارىنىڭ بٸرلەسكەن وتىرىسىندا.
وسى ورايدا مەملەكەت باسشىسى دەرٸگەرلەردٸڭ جالاقىسىنا دا توقتالدى. پرەزيدەنتتٸڭ ايتۋىنشا, ٷش جىلدان كەيٸن مەديتسينا قىزمەتكەرلەرٸنٸڭ ەڭبەكاقىسى ايتارلىقتاي ٶسەدٸ.
"2023 جىلعا قاراي دەرٸگەرلەردٸڭ جالاقىسى ەكونوميكاداعى ورتاشا جالاقىدان ەكٸ ەسە ارتىق بولادى", - دەپ اتاپ كٶرسەتتٸ توقاەۆ.
ايتا كەتسەك, پرەزيدەنت ٶز جولداۋىندا مۇعالٸمدەردٸڭ جالاقىسىن كٶتەرۋ مەسەلەسٸنە دە توقتالعان بولاتىن. بۇل ٷشٸن الداعى ٷش جىلدا قوسىمشا 1,2 تريلليون تەڭگە بٶلٸنەدٸ. 2021 جىلدىڭ قاڭتار ايىنان باستاپ مۇعالٸمدەردٸڭ ەڭبەكاقىسى 25 پروتسەنتكە ارتادى. جالاقى مٶلشەرٸ الداعى ۋاقىتتا دا ارتا بەرەدٸ. وسىلايشا, ۇستازداردىڭ ەڭبەكاقىسى ەكٸ ەسەگە كٶبەيەدٸ.
