Foto: ashyq derekkózden
Memleket basshysynyń tapsyrmasy boiynsha QR Mádeniet jáne aqparat ministrligi mádeni murany nasihattaý jáne ulttyq biregeilikti nyǵaitý boiynsha jumysty kúsheitti.
Tarih pen mádeniettiń biregei eskertkishterin áliemdik keńistikke yqpaldastyrý boiynsha tiisti jumystar júrgizildi. Qazaqstan IýNESKO-nyń Búkilálemdik mura tizimine 10 tarihi jáne mádeniet eskertkishterin usyndy. 2025 jylǵa qarai ministrlik olardyń sanyn 16-ǵa jetkizýdi josparlap otyr.
Mádenietti damytý maqsatynda óńirlerde mádeniet obektileriniń, onyń ishinde aýyldyq jerlerdegi mádeniet úileriniń kezeń-kezeńimen qurylysy bastalyp, jóndeý jumystary júrgizildi. Ótken jyly 22 mádeniet nysany salynyp, 189-na jóndeý jumystary jasaldy.
Táýelsiz Qazaqstan tarihynda eńbegi sińgen jazýshylarǵa tuńǵysh ret «Qazaqstannyń Halyq jazýshysy» qurmetti ataǵy berilip, 8 mádeniet qairatkeri marapattaldy.
Mádeniet jáne arhiv uiymdarynyń 65 myń qyzmetkerleriniń jalaqysy ósti. 30 jylda alǵash ret biýdjet qarajaty esebinen eki mýzykalyq uiym men úsh bilim berý mekemesinde mýzykalyq aspaptar jańartyldy. Bul mýzykanttardyń kásibi jáne shyǵarmashylyq ósýi úshin jaǵdaidy jaqsartýǵa múmkindik beredi.
Qazaqstan teatrlary halyqaralyq festivalderge belsendi qatysyp, bedeldi marapattarǵa ie bolyp júr. Memlekettik teatrlar ár túrli janrlar men baǵyttardaǵy 10 myńnan astam spektaklderdi sahnalady. 200-ge jýyq jańa qoiylym usynyldy. Teatrlarǵa 2 millionǵa jýyq kórermen keldi. El boiynsha jáne shetelderde 800-den astam gastroldik saparlar ótkizildi. Elimizdiń barlyq teatrlarynyń repertýaryn ulttyq avtorlardyń shyǵarmalarymen tolyqtyrý jónindegi jumystar jalǵasatyn bolady. Bul otandyq kompozitorlar men dramatýrgterdiń shyǵarmalaryn nasihattap qana qoimai, kórermenderdiń rýhani jáne adamgershilik tárbiesin arttyrýǵa sebin tigizedi.
Otandyq kinematografiia damý barysynda qýatty serpin alyp keledi. 2023 jyly memlekettik qoldaýmen 18 filmniń túsirilimi aiaqtaldy. Odan bólek, 19 jańa kinojoba iske qosyldy. Memlekettik qarjylyq qoldaý alǵan filmderdi damytý jáne prokatqa shyǵarý, bedeldi marapatttarǵa otandyq filmderdi qosý boiynsha sharalardy qamtamasyz etý boiynsha qoldanystaǵy «Kinematografiia týraly» Zańǵa túzetýler engizilýde.
Kreativti indýstriia salasynda damý áleýeti bar: memlekettik qoldaýdyń jekelegen paketin ázirleýge jáne osy salany damytýǵa baǵyttalǵan sharalar qabyldanýda, «Qazaqstan Respýblikasynyń keibir zańnamalyq aktilerine kreativti indýstriiany qoldaý jáne damytý máseleleri boiynsha ózgerister men tolyqtyrýlar engizý týraly» QR Zańynyń jobasy daiyndalýda. Kreativti indýstriiany damytý qoryn qurý boiynsha jumystar júrgizilýde, onyń maqsaty salany damytýǵa qoldaý, talanttylardy izdeý, infraqurylymdy damytý, ónimderdi eksporttaýǵa járdemdesý jáne kommertsiialandyrý bolyp tabylady.
