فوتو: اشىق دەرەككٶزدەن
مەملەكەت باسشىسىنىڭ تاپسىرماسى بويىنشا قر مەدەنيەت جەنە اقپارات مينيسترلٸگٸ مەدەني مۇرانى ناسيحاتتاۋ جەنە ۇلتتىق بٸرەگەيلٸكتٸ نىعايتۋ بويىنشا جۇمىستى كٷشەيتتٸ.
تاريح پەن مەدەنيەتتٸڭ بٸرەگەي ەسكەرتكٸشتەرٸن ەلٸەمدٸك كەڭٸستٸككە ىقپالداستىرۋ بويىنشا تيٸستٸ جۇمىستار جٷرگٸزٸلدٸ. قازاقستان يۋنەسكو-نىڭ بٷكٸلەلەمدٸك مۇرا تٸزٸمٸنە 10 تاريحي جەنە مەدەنيەت ەسكەرتكٸشتەرٸن ۇسىندى. 2025 جىلعا قاراي مينيسترلٸك ولاردىڭ سانىن 16-عا جەتكٸزۋدٸ جوسپارلاپ وتىر.
مەدەنيەتتٸ دامىتۋ ماقساتىندا ٶڭٸرلەردە مەدەنيەت وبەكتٸلەرٸنٸڭ, ونىڭ ٸشٸندە اۋىلدىق جەرلەردەگٸ مەدەنيەت ٷيلەرٸنٸڭ كەزەڭ-كەزەڭٸمەن قۇرىلىسى باستالىپ, جٶندەۋ جۇمىستارى جٷرگٸزٸلدٸ. ٶتكەن جىلى 22 مەدەنيەت نىسانى سالىنىپ, 189-نا جٶندەۋ جۇمىستارى جاسالدى.
تەۋەلسٸز قازاقستان تاريحىندا ەڭبەگٸ سٸڭگەن جازۋشىلارعا تۇڭعىش رەت «قازاقستاننىڭ حالىق جازۋشىسى» قۇرمەتتٸ اتاعى بەرٸلٸپ, 8 مەدەنيەت قايراتكەرٸ ماراپاتتالدى.
مەدەنيەت جەنە ارحيۆ ۇيىمدارىنىڭ 65 مىڭ قىزمەتكەرلەرٸنٸڭ جالاقىسى ٶستٸ. 30 جىلدا العاش رەت بيۋدجەت قاراجاتى ەسەبٸنەن ەكٸ مۋزىكالىق ۇيىم مەن ٷش بٸلٸم بەرۋ مەكەمەسٸندە مۋزىكالىق اسپاپتار جاڭارتىلدى. بۇل مۋزىكانتتاردىڭ كەسٸبي جەنە شىعارماشىلىق ٶسۋٸ ٷشٸن جاعدايدى جاقسارتۋعا مٷمكٸندٸك بەرەدٸ.
قازاقستان تەاترلارى حالىقارالىق فەستيۆالدەرگە بەلسەندٸ قاتىسىپ, بەدەلدٸ ماراپاتتارعا يە بولىپ جٷر. مەملەكەتتٸك تەاترلار ەر تٷرلٸ جانرلار مەن باعىتتارداعى 10 مىڭنان استام سپەكتاكلدەردٸ ساحنالادى. 200-گە جۋىق جاڭا قويىلىم ۇسىنىلدى. تەاترلارعا 2 ميلليونعا جۋىق كٶرەرمەن كەلدٸ. ەل بويىنشا جەنە شەتەلدەردە 800-دەن استام گاسترولدٸك ساپارلار ٶتكٸزٸلدٸ. ەلٸمٸزدٸڭ بارلىق تەاترلارىنىڭ رەپەرتۋارىن ۇلتتىق اۆتورلاردىڭ شىعارمالارىمەن تولىقتىرۋ جٶنٸندەگٸ جۇمىستار جالعاساتىن بولادى. بۇل وتاندىق كومپوزيتورلار مەن دراماتۋرگتەردٸڭ شىعارمالارىن ناسيحاتتاپ قانا قويماي, كٶرەرمەندەردٸڭ رۋحاني جەنە ادامگەرشٸلٸك تەربيەسٸن ارتتىرۋعا سەبٸن تيگٸزەدٸ.
وتاندىق كينەماتوگرافييا دامۋ بارىسىندا قۋاتتى سەرپٸن الىپ كەلەدٸ. 2023 جىلى مەملەكەتتٸك قولداۋمەن 18 فيلمنٸڭ تٷسٸرٸلٸمٸ اياقتالدى. ودان بٶلەك, 19 جاڭا كينوجوبا ٸسكە قوسىلدى. مەملەكەتتٸك قارجىلىق قولداۋ العان فيلمدەردٸ دامىتۋ جەنە پروكاتقا شىعارۋ, بەدەلدٸ ماراپاتتتارعا وتاندىق فيلمدەردٸ قوسۋ بويىنشا شارالاردى قامتاماسىز ەتۋ بويىنشا قولدانىستاعى «كينەماتوگرافييا تۋرالى» زاڭعا تٷزەتۋلەر ەنگٸزٸلۋدە.
كرەاتيۆتٸ يندۋسترييا سالاسىندا دامۋ ەلەۋەتٸ بار: مەملەكەتتٸك قولداۋدىڭ جەكەلەگەن پاكەتٸن ەزٸرلەۋگە جەنە وسى سالانى دامىتۋعا باعىتتالعان شارالار قابىلدانۋدا, «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە كرەاتيۆتٸ يندۋسترييانى قولداۋ جەنە دامىتۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» قر زاڭىنىڭ جوباسى دايىندالۋدا. كرەاتيۆتٸ يندۋسترييانى دامىتۋ قورىن قۇرۋ بويىنشا جۇمىستار جٷرگٸزٸلۋدە, ونىڭ ماقساتى سالانى دامىتۋعا قولداۋ, تالانتتىلاردى ٸزدەۋ, ينفراقۇرىلىمدى دامىتۋ, ٶنٸمدەردٸ ەكسپورتتاۋعا جەردەمدەسۋ جەنە كوممەرتسييالاندىرۋ بولىپ تابىلادى.
