2022 jyly JEO-2-de jetinshi qazandyq salynbaq. Bul metallýrgter qalasyn turaqty jylýmen qamtamasyz etýdiń kópjyldyq problemasyn sheshýge múmkindik beredi, dep habarlaidy "Ult aqparat".
Qaraǵandy oblysynyń ákimi Jeńis Qasymbek búgin «ArselorMittal Temirtaý» AQ basshylyǵymen onlain-keńes ótkizdi. Bas qosýda jobany iske asyrý barysy men stantsiiadaǵy jóndeý naýqany talqylandy.
«Biz qaladaǵy jylý ortalyǵynda 7-shi qazandyq jobasynyń bastalýyna kúsh salýymyz kerek. Jaǵdai kórsetkendei, merzimdi odan ári sozý múmkin emes. Biylǵy jyly jobany aiaqtaýdy barynsha jedeldetý qajet. Qala jobanyń támamdalýyn úshinshi jyl kútýde. Bul birinshi kezekte sheshilýi tiis másele», - dedi Jeńis Qasymbek.
«ArselorMittal Temirtaý» AQ Bas direktory Bidjý Nair qazir tenderler júrip jatqanyn habarlady. Ótken jyldan bastap Podolsk mashina jasaý zaýytynda qazandyq qondyrǵysy jasalýda. Jabdyqtyń bir bóligi daiyn. 28 mamyrǵa deiin qurylys merdigerlik uiymdary anyqtalady.
Keńeste sondai-aq JEO-2-niń kelesi jylytý maýsymyna daiyndyǵy talqylandy. «ArselorMittal Temirtaý» AQ bas energetigi Vladislav Zamiatin habarlaǵandai, jóndeý jumystaryna biyl 2,6 mlrd teńge bólingen. Jumystar bastaldy.
Esterińizge sala keteiik, aǵymdaǵy jyly aqpanda aiazdy kúnderi temirtaýlyqtar birneshe kúnge jylýsyz qalǵan bolatyn. Belgili bolǵandai, qalada úsh qazandyqta apat bolǵan. Osyǵan bailanysty páterlerdegi temperatýra normadan tómendep ketti.
Sondai-aq, oblys basshysy JEO-da jańa 7-shi qazandyqtyń qurylysyn aiaqtaýdy tapsyrǵan edi.
