2022 جىلى جەو-2-دە جەتٸنشٸ قازاندىق سالىنباق. بۇل مەتاللۋرگتەر قالاسىن تۇراقتى جىلۋمەن قامتاماسىز ەتۋدٸڭ كٶپجىلدىق پروبلەماسىن شەشۋگە مٷمكٸندٸك بەرەدٸ, دەپ حابارلايدى "ۇلت اقپارات".
قاراعاندى وبلىسىنىڭ ەكٸمٸ جەڭٸس قاسىمبەك بٷگٸن «ارسەلورميتتال تەمٸرتاۋ» اق باسشىلىعىمەن ونلاين-كەڭەس ٶتكٸزدٸ. باس قوسۋدا جوبانى ٸسكە اسىرۋ بارىسى مەن ستانتسيياداعى جٶندەۋ ناۋقانى تالقىلاندى.
«بٸز قالاداعى جىلۋ ورتالىعىندا 7-شٸ قازاندىق جوباسىنىڭ باستالۋىنا كٷش سالۋىمىز كەرەك. جاعداي كٶرسەتكەندەي, مەرزٸمدٸ ودان ەرٸ سوزۋ مٷمكٸن ەمەس. بيىلعى جىلى جوبانى اياقتاۋدى بارىنشا جەدەلدەتۋ قاجەت. قالا جوبانىڭ تەمامدالۋىن ٷشٸنشٸ جىل كٷتۋدە. بۇل بٸرٸنشٸ كەزەكتە شەشٸلۋٸ تيٸس مەسەلە», - دەدٸ جەڭٸس قاسىمبەك.
«ارسەلورميتتال تەمٸرتاۋ» اق باس ديرەكتورى بيدجۋ ناير قازٸر تەندەرلەر جٷرٸپ جاتقانىن حابارلادى. ٶتكەن جىلدان باستاپ پودولسك ماشينا جاساۋ زاۋىتىندا قازاندىق قوندىرعىسى جاسالۋدا. جابدىقتىڭ بٸر بٶلٸگٸ دايىن. 28 مامىرعا دەيٸن قۇرىلىس مەردٸگەرلٸك ۇيىمدارى انىقتالادى.
كەڭەستە سونداي-اق جەو-2-نٸڭ كەلەسٸ جىلىتۋ ماۋسىمىنا دايىندىعى تالقىلاندى. «ارسەلورميتتال تەمٸرتاۋ» اق باس ەنەرگەتيگٸ ۆلاديسلاۆ زامياتين حابارلاعانداي, جٶندەۋ جۇمىستارىنا بيىل 2,6 ملرد تەڭگە بٶلٸنگەن. جۇمىستار باستالدى.
ەستەرٸڭٸزگە سالا كەتەيٸك, اعىمداعى جىلى اقپاندا ايازدى كٷندەرٸ تەمٸرتاۋلىقتار بٸرنەشە كٷنگە جىلۋسىز قالعان بولاتىن. بەلگٸلٸ بولعانداي, قالادا ٷش قازاندىقتا اپات بولعان. وسىعان بايلانىستى پەتەرلەردەگٸ تەمپەراتۋرا نورمادان تٶمەندەپ كەتتٸ.
سونداي-اق, وبلىس باسشىسى جەو-دا جاڭا 7-شٸ قازاندىقتىڭ قۇرىلىسىن اياقتاۋدى تاپسىرعان ەدٸ.
