Shaibaly hokkeiden 2022 jylǵy álem chempionaty Finliandiiada ótkiziledi, dep habarlaidy "Ult aqparat".
Dúbirli doda 2022 jyly 13-29 mamyr aralyǵynda sol eldiń Helsinki jáne Tampere qalalarynda ótkiziledi. Onda barlyǵy 16 qurama baq synaidy.
Eske salsaq, aldaǵy jyly da biyl synǵa túsken quramalar qatysady. Koronavirýs infektsiiasyna bailanysty birinshi diviziondaǵy irikteý oiyndary ótkizilgen joq. Sondyqtan biyl álem chempionatynyń elitalyq divizionda oinaǵan quramalar tolyqtai ornyn saqtap qaldy.
Aita keteiik, biyl Eýropadan - Belarýs, Ulybritaniia, Germaniia, Daniia, Italiia, Latviia, Norvegiia, Resei, Slovakiia, Finliandiia, Chehiia, Shveitsariia, Shevetsiia, Soltústik Amerikadan - AQSh pen Kanada, Aziiadan - Qazaqstan quramalary qatysty.
Búgin Latviiada 2021 jylǵy álem chempionaty finaly men úshinshi oryn úshin oiyndar ótkiziledi.
Finalda Finliandiia men Kanada quramalary muz aidynǵa shyqsa, úshinshi oryn úshin AQSh pen Germaniia quramalary talasady.
