Prezident tapsyrmasy sheńberinde 2021 jyldyń 1 qańtarynan bastap pedagogterdiń jalaqysy taǵy 25% ósedi. Bul týraly QR Bilim jáne ǵylym ministri Ashat Aimaǵambetov aityp berdi, dep habarlaidy "Ult aqparat" .
«Biyl Prezident tapsyrmasymen pedagogterdiń jalaqysy 25 paiyzǵa ulǵaityldy. Sonymen birge 2021 jyly da 1 qańtardan bastap, pedagogter ailyǵy taǵy 25 paiyzǵa kóbeiedi. Biz munda tek qana mektep muǵalimderin aityp otyrǵan joqpyz, balabaqsha pedagogteri, qosymsha bilim berý, kolledjder men joǵary oqý oryndarynyń mamandary da memlekettik qoldaý sharalarymen qamtylyp, eńbekaqylary kóbeiip jatyr», - dedi A. Aimaǵambetov Ortalyq kommýnikatsiialar qyzmetinde ótken brifingte.
Óz sózinde ministr pedagogterge beriletin túrli qosymsha tólemder bar ekenin eske saldy.
«Biliktilik sanatyna qarai eńbekaqynyń 30-dan 50 paiyzǵa deiingi kólemin qosymsha alýǵa bolady. Óz isiniń sheberi bolsa, ai saiyn eńbekaqyǵa qosymsha 50 paiyz tólem alyp otyrýǵa bolady. Pándi aǵylshyn tilinde júrgizgeni úshin, dápter teksergeni úshin, synyp jetekshiligi úshin tólenedi. Biyl alǵash ret áriptesterimiz magistrlik dárejesi úshin 27 myń teńge kóleminde qosymsha tólem ala bastady», - dep túsindirdi Bilim ministri.
Sonymen birge, 2020 jylǵy 1 qyrkúiekten bastap memlekettik joǵary oqý oryndary oqytýshylarynyń jalaqysy taǵy 20%-ǵa, ulttyq JOO oqytýshylarynyń jalaqysy 28%-ǵa ulǵaiǵan.
