پرەزيدەنت تاپسىرماسى شەڭبەرٸندە 2021 جىلدىڭ 1 قاڭتارىنان باستاپ پەداگوگتەردٸڭ جالاقىسى تاعى 25% ٶسەدٸ. بۇل تۋرالى قر بٸلٸم جەنە عىلىم مينيسترٸ اسحات ايماعامبەتوۆ ايتىپ بەردٸ, دەپ حابارلايدى "ۇلت اقپارات" .
«بيىل پرەزيدەنت تاپسىرماسىمەن پەداگوگتەردٸڭ جالاقىسى 25 پايىزعا ۇلعايتىلدى. سونىمەن بٸرگە 2021 جىلى دا 1 قاڭتاردان باستاپ, پەداگوگتەر ايلىعى تاعى 25 پايىزعا كٶبەيەدٸ. بٸز مۇندا تەك قانا مەكتەپ مۇعالٸمدەرٸن ايتىپ وتىرعان جوقپىز, بالاباقشا پەداگوگتەرٸ, قوسىمشا بٸلٸم بەرۋ, كوللەدجدەر مەن جوعارى وقۋ ورىندارىنىڭ ماماندارى دا مەملەكەتتٸك قولداۋ شارالارىمەن قامتىلىپ, ەڭبەكاقىلارى كٶبەيٸپ جاتىر», - دەدٸ ا. ايماعامبەتوۆ ورتالىق كوممۋنيكاتسييالار قىزمەتٸندە ٶتكەن بريفينگتە.
ٶز سٶزٸندە مينيستر پەداگوگتەرگە بەرٸلەتٸن تٷرلٸ قوسىمشا تٶلەمدەر بار ەكەنٸن ەسكە سالدى.
«بٸلٸكتٸلٸك ساناتىنا قاراي ەڭبەكاقىنىڭ 30-دان 50 پايىزعا دەيٸنگٸ كٶلەمٸن قوسىمشا الۋعا بولادى. ٶز ٸسٸنٸڭ شەبەرٸ بولسا, اي سايىن ەڭبەكاقىعا قوسىمشا 50 پايىز تٶلەم الىپ وتىرۋعا بولادى. پەندٸ اعىلشىن تٸلٸندە جٷرگٸزگەنٸ ٷشٸن, دەپتەر تەكسەرگەنٸ ٷشٸن, سىنىپ جەتەكشٸلٸگٸ ٷشٸن تٶلەنەدٸ. بيىل العاش رەت ەرٸپتەستەرٸمٸز ماگيسترلٸك دەرەجەسٸ ٷشٸن 27 مىڭ تەڭگە كٶلەمٸندە قوسىمشا تٶلەم الا باستادى», - دەپ تٷسٸندٸردٸ بٸلٸم مينيسترٸ.
سونىمەن بٸرگە, 2020 جىلعى 1 قىركٷيەكتەن باستاپ مەملەكەتتٸك جوعارى وقۋ ورىندارى وقىتۋشىلارىنىڭ جالاقىسى تاعى 20%-عا, ۇلتتىق جوو وقىتۋشىلارىنىڭ جالاقىسى 28%-عا ۇلعايعان.
