Biyl ýchaskelik inspektorlar sany ulǵaiady. Bul týraly QR Ishki ister ministrliginiń resmi ókili Nurdildá Oraz aitty, dep habarlaidy QazAqparat.
«Jurtqa jaqyn politsiia» qaǵidatyn iske asyrý úshin 2021 jyldyń ózinde ýchaskelik inspektorlardyń sanyn ulǵaitý, ýchaskelik politsiia pýnktteriniń jelisin damytý josparlanyp otyr. Olardyń ornalasatyn jeri halyqtyń tyǵyzdyǵyn eskere otyryp tańdalady. Budan basqa, osy qyzmettiń materialdyq-tehnikalyq bazasy edáýir nyǵaiyp, ýchaskelik politsiia inspektorlarynyń ókilettigi ulǵaiady», - dedi Nurdildá Oraz vedomstvonyń baspasóz qyzmeti alańynda ótken brifing barysynda.
Resmi ókildiń sózine qaraǵanda, kriminogendik aýdandarda jáne adamdar kóp jinalatyn jerlerde nariadtardyń táýlik boiy kezekshiligi jáne azamattardy qabyldaý úshin 200-den astam modýldik politsiia beketi ornatylady.
«Ikemdi» patrýldeý marshrýttary paidalanylady. Azamattarmen kommýnikatsiia arnasy ulǵaiady.
«Bul politseilerdiń azamattardyń kez kelgen ótinishine jedel áreket etýine kómektesedi», - dedi ol.
