بيىل ۋچاسكەلٸك ينسپەكتورلار سانى ۇلعايادى. بۇل تۋرالى قر ٸشكٸ ٸستەر مينيسترلٸگٸنٸڭ رەسمي ٶكٸلٸ نۇردٸلدە وراز ايتتى, دەپ حابارلايدى قازاقپارات.
«جۇرتقا جاقىن پوليتسييا» قاعيداتىن ٸسكە اسىرۋ ٷشٸن 2021 جىلدىڭ ٶزٸندە ۋچاسكەلٸك ينسپەكتورلاردىڭ سانىن ۇلعايتۋ, ۋچاسكەلٸك پوليتسييا پۋنكتتەرٸنٸڭ جەلٸسٸن دامىتۋ جوسپارلانىپ وتىر. ولاردىڭ ورنالاساتىن جەرٸ حالىقتىڭ تىعىزدىعىن ەسكەرە وتىرىپ تاڭدالادى. بۇدان باسقا, وسى قىزمەتتٸڭ ماتەريالدىق-تەحنيكالىق بازاسى ەدەۋٸر نىعايىپ, ۋچاسكەلٸك پوليتسييا ينسپەكتورلارىنىڭ ٶكٸلەتتٸگٸ ۇلعايادى», - دەدٸ نۇردٸلدە وراز ۆەدومستۆونىڭ باسپاسٶز قىزمەتٸ الاڭىندا ٶتكەن بريفينگ بارىسىندا.
رەسمي ٶكٸلدٸڭ سٶزٸنە قاراعاندا, كريمينوگەندٸك اۋدانداردا جەنە ادامدار كٶپ جينالاتىن جەرلەردە ناريادتاردىڭ تەۋلٸك بويى كەزەكشٸلٸگٸ جەنە ازاماتتاردى قابىلداۋ ٷشٸن 200-دەن استام مودۋلدٸك پوليتسييا بەكەتٸ ورناتىلادى.
«يكەمدٸ» پاترۋلدەۋ مارشرۋتتارى پايدالانىلادى. ازاماتتارمەن كوممۋنيكاتسييا ارناسى ۇلعايادى.
«بۇل پوليتسەيلەردٸڭ ازاماتتاردىڭ كەز كەلگەن ٶتٸنٸشٸنە جەدەل ەرەكەت ەتۋٸنە كٶمەكتەسەدٸ», - دەدٸ ول.
