Biylǵy jyly Qarajal men Jáiremde sýmen jabdyqtaý máselesine núkte qoiylýy tiis. Sonymen qatar, káriz jelileri men sý tazartý qurylystaryna JSQ ázirleý jalǵastyrylady. Oblys aimaqtarynyń biri qali damityny jaily Jeńis Qasymbektiń qatysýymen ótken keńeste Qarajal qalasynyń ákimi Tilektes Dosaev baiandady, dep habarlaidy "Ult aqparat".
Uzaq jyldar boiy Qarajal men Jáiremniń basty problemasy tozǵan sý qubyry jelileri men aýyz sý tapshylyǵy bolyp kelgen. Bul máseleni sheshý úshin birneshe baǵdarlama ázirlenip, respýblikalyq jáne oblystyq biýdjetten qarajat bólindi. 2021 jyly sýmen jabdyqtaý boiynsha barlyq máseleler jabylady.
«Biyl turǵyn úidi paidalanýǵa berý boiynsha oń dinamika saqtalady. 10 myń sharshy metrden astam jerdi paidalanýǵa berý josparlanyp otyr. Kezekte turǵandardyń basym bóligin turǵyn úimen qamtamasyz etemiz. Sondai-aq, kommýnaldyq turǵyn úiler men mektepterdi jóndeý, apatty úilerdi buzý, aýla aýmaqtaryn abattandyrý jáne eldi mekenderdiń kóshelerin jaryqtandyrý jalǵastyrylady», - dedi Tilektes Dosaev.
Sonymen qatar Jáirem-Qarajal jolynyń ortasha jóndeýi aiaqtalady. Qarajaldan Atasý kentine qarai joldy jóndeý aiaqtaldy. Bul ýchaskede oblystyq joldyń 28 shaqyrymyn retke keltirý ǵana qaldy. Oǵan qarajat bólindi.
Óńirde jyl saiyn aýyl sharýashylyǵynyń ósýi baiqalady. 2021-shi jyly da solai bolmaq. IQM analyq basynyń ósýi esebinen jalpy ónim kóleminiń 3,4%-ǵa ósýi kútilýde.
Shaǵyn jáne orta kásipkerlikti damytýǵa toqtalar bolsaq, «Atameken» mikrokredittik uiymy arqyly jańa jobalardy qarjylandyrý jalǵastyrylady. Isin jańa bastaǵan biznesmender úshin «Eńbek» memlekettik baǵdarlamasy boiynsha 40 grant qarastyrylǵan.
