QR Premer-Ministri Álihan Smaiylov Úkimettiń keńeitilgen otyrsynda ótken jyldyń áleýmettik-ekonomikalyq kórsetkishteri týraly málimet berdi, dep habarlaidy QazAqparat.
«2021 jylǵy áleýmettik-ekonomikalyq damý qorytyndysy boiynsha jalpy ishki ónimniń ósimi 4 protsentti qurady. Turaqty ekonomikalyq ósimniń negizgi faktory naqty sektor boldy.
Ónerkásip óniminiń kólemi 8,38 protsentke jetti. Taý-ken ónerkásibin esepeke almaǵanda negizgi ekonomikaǵa salǵan investitsiialar 9,5 protsent ulǵaidy. Tikelei sheteldik investitsiialar ótken jyldyń 9 aiynda shamamen 50 protsent ósip, 18,8 mlrd dollardy qurady», - dedi Úkimet basshysy.
Onyń aitýynsha, 11 aidyq qorytyndysy boiynsha syrtqy saýda men investitsiia tartý salasynda biraz ósim baiqalǵan.
«Sondai-aq ótken jyldyń 11 aiynyń qorytyndysy boiynsha, syrtqy saýda ainalymy 15,4 protsent ósip, 91,4 mlrd dollarǵa jetti. Al taýarlar eksporty 25 protsentke artyp, 54,5 mlrd dollardy qurasa, import kólemi 4,2 protsent ósip, shamamen 37 mlrd dollar boldy», - dedi Álihan Smaiylov.
