«Álippeni» engizý 2021-2022 jylǵa josparlanyp otyr. Bul týraly QR Bilim jáne ǵylym vitse-ministri Sholpan Karinova málim etti, dep habarlaidy "Ult aqparat".
«Oqý baǵdarlamasyna qatysty oqýlyqtar ázirleý jumystary bastaldy. Bul jumystyń sońy retinde 2021 jyldyń qańtar aiynan bastap oqýlyqtar aprobatsiiaǵa engiziletin bolady. Ol úshin Bilim jáne ǵylym ministrligi aprobatsiia ótkizetin pilottyq mektepterdiń tizbesin bekitti.
Jumys toby aýqymdy jobany oidaǵydai júzege asyryp shyqty. 20-dan artyq otyrys ótti. "Álippe" oqýlyǵynyń ǵylymi negizine jáne praktikalyq qoldanysyna bailanysty birneshe usynys túsken. Sonyń barlyǵy zerdelendi», - dedi vitse-ministr Ortalyq kommýnikatsiiaar qyzmetinde.
Onyń sózine qaraǵanda, osy bekitken tizbege bailanysty barlyq mektepte «Álippe» baǵdarlamasy zerdelenedi.
«Odan keiin oqýlyq daiarlaýdyń barlyq kezeńderine bailanysty tolyq taldaý jasaý jumysy júrigiziledi. Saraptamadan ótken oqýlyqtar jańa oqý jylynda engiziledi. Jalpy, «Álippeni» engizý 2021-2022 jylǵa josparlanǵan», - dedi Sholpan Karinova.
Osy oraida vitse-ministr "Álippe" oqýlyǵyn ázirleý kezinde Ahmet Baitursynovtyń ádistemesi negizge alynǵanyn eske saldy.
"Sosyn ózderińizge belgili, jeltoqsan aiynda "Álippemen" qoshtasý ótkiziletin. Qazirgi printsip te soǵan negizdelgen. Odan ary qarai "Ana tiline" kóshedi", – deidi Karinova.
