2021 jyly alǵash ret memlekettik balansqa 28 ken orny qoiyldy. Bul týraly QR Ekologiia, geologiia jáne tabiǵi resýrstar vitse-ministri Talǵat Momyshev aitty, dep habarlaidy QazAqparat.
«Jer qoinaýyn paidalanýshylar esebinen júrgizilgen geologiialyq barlaý jumystarynyń nátijesinde 2021 jyly alǵash ret memlekettik balansqa 28 ken orny qoiyldy. onyń ishinde: kómirsýtek ken orny, 13 qatty paidaly qazba ken orny, 8 jerasty sý ken orny bar», - dedi ol ministrliktiń alqa májilisinde.
Vitse-ministrdiń aitýynsha, «Ult jospary - bes institýtsionaldyq reformany iske asyrý jónindegi 100 naqty qadamnyń» 74-qadamyn iske asyrý aiasynda qatty paidaly qazbalar bóliginde Qazaqstan CRIRSCO-ǵa kirdi. KAZRC qaýymdastyǵy jáne jer qoinaýynyń táýelsiz sarapshylarynyń kásibi qoǵamy quryldy.
«Osylaisha, qatty paidaly qazbalar bóliginde eseptilik standarttarynyń halyqaralyq júiesine kóshý júzege asyryldy. Alaida belgili bir qaýipter bar, mysaly: jer qoinaýyn zertteý men paidalanýdyń keshendi tásilin buzý, memlekettik biýdjetke túsimderdiń azaiýy», - dedi Talǵat Momyshev.
