2021-2025 jyldarǵa arnalǵan «Jasyl Qazaqstan» ulttyq jobasyn ázirlenedi. Bul týraly Úkimettiń keńeitilgen otyrysynda Memleket basshysy Qasym-Jomart Toqaev aitty, dep habarlaidy QazAqparat.
«Taǵy bir ózekti másele – ekologiia salasy. Bul – halyqtyń turmys sapasyna yqpal etetin óte mańyzdy sala. Biraq bizdegi ahýal oidaǵydai dep aitýǵa bolmaidy. Saýalnama kezinde azamattarymyzdyń 48 paiyzy ǵana ekologiialyq jaǵdaiǵa kóńilimiz tolady dep jaýap bergen. Osyǵan orai, jańa Ekologiialyq kodeks qabyldandy. Bul – jurtshylyqtyń talap-tilegin eskerip daiyndalǵan júieli ári keshendi qujat. Sondai-aq kodeks ozyq halyqaralyq standarttarǵa sai keledi», - dedi QR Prezidenti.
Memleket basshysynyń atap ótýinshe, Ekologiialyq qaýipsizdikti nyǵaitýǵa arnalǵan tiimdi baǵdarlamalardy júzege asyrǵan jaǵdaida kásiporyndar óndiristik qaldyq úshin alynatyn tólemnen bosatylady.
Úkimet jáne qoǵam osy jumystyń ýaqtyly jáne sapaly atqarylýyn qatań baqylaýda ustaýǵa tiis.
«Sonymen qatar, meniń tapsyrmammen 2 milliard túp aǵash otyrǵyzylady. Bul azamattarymyzdyń tarapynan keń qoldaý tapqan bastama boldy. Jalpy, bul máselege nemquraily qaraýǵa bolmaidy. Qorshaǵan ortaǵa eshqandai oń áseri joq, qarajatty qur igerýdi kózdeitin jasandy sharalarǵa jol bermeý qajet. Sondyqtan aǵash otyrǵyzýǵa laiyqty oryndardy anyqtaý úshin ǵalymdarmen jáne jurtshylyqpen birlesip, kásibi taldaý júrgizgen jón. Qoǵamdyq baqylaý quraly retinde interaktivti karta daiyndaý qajet. Sol arqyly ekologiia salasynda atqarylyp jatqan jumystardyń barysy men tiimdiligin qadaǵalaýǵa bolady. Úkimetke 2021-2025 jyldarǵa arnalǵan «Jasyl Qazaqstan» ulttyq jobasyn ázirleýdi tapsyramyn. Ásirese, qorshaǵan ortany qorǵaý isine qajetti barlyq kórsetkishterdi tsifrlandyrý – mańyzdy mindetterdiń biri», - dedi Qasym-Jomart Toqaev.
.jpeg)