2021-2023 jyldary áleýmettik salany damytýǵa 22,4 trln teńge jumsalady. Bul týraly QR qarjy vitse-ministri Rýslan Eńsebaev aitty, dep habarlaidy QazAqparat.
«2021-2023 jyldarǵa arnalǵan respýblikalyq biýdjet shyǵystarynyń negizgi baǵyttary – eń aldymen, azamattardyń áleýmettik ál-aýqaty. Biýdjettik áleýmettik baǵyty saqtalǵan. 2021 jylǵa arnalǵan shyǵystardyń jalpy kólemindegi áleýmettik blok shyǵystarynyń úlesi 50,5 paiyzdy qurap, 2023 jyly 61,6 paiyzǵa deiin artady. Tolyqtai alǵanda úsh jyldyq kezeńde áleýmettik salany damytýǵa 22,4 trln teńge, onyń ishinde 2021 jyly 7,1 trln teńge baǵyttalyp, osy jylǵy deńgeiden 401 mlrd teńgege artyq bolady», - dedi ol IX Azamattyq forým barysynda.
Osy rette vitse-ministr ósimniń negizgi faktorlary áleýmettik tólemderdi indeksatsiialaý, pedagogtar jalaqysyn arttyrý, ortasha jalaqy ósiminiń artýyna bailanysty memlekettiń Mindetti meditsinalyq saqtandyrý qoryna jarnasy jáne 15 sanatqa kiretin tulǵalar sany ekendigin basa aitty.
