2020 jyly jyldyq infliatsiia 7,5 paiyzdy qurady. Bul týraly Úkimettiń keńeitilgen otyrysynda Premer-Ministr Asqar Mamin aitty, dep habarlaidy QazAqparat.
«Ótken jyl pandemiia saldarynan týyndaǵan jahandyq ekonomikalyq daǵdaryspen erekshelendi. Bul rette, Úkimet elimizdiń ekonomikasynyń turaqtylyǵyn qamtamasyz etýge, halyqtyń ómir súrý sapasy men deńgeiin, ál-aýqatyn saqtap qalýǵa, memlekettiń halyqtyń aldyndaǵy áleýmettik mindettemelerin tolyǵymen oryndaýǵa, sonymen birge, elimizdegi sanitarlyq-epidemiologiialyq ahýaldy turaqtandyrýǵa baǵyttalǵan naqty sharalardy qabyldady. Der kezinde qabyldaǵan sharalar Qazaqstan ekonomikasynyń tómendeýin 2,6 paiyzǵa deiin shekteýge múmkindik berdi. Ekonomikanyń negizgi salalary - ekonomikanyń ornyqty ósýiniń basty faktory boldy. Taýarlar óndirisiniń kólemi 2 paiyzǵa ósti», - dedi Úkimet basshysy.
Onyń aitýynsha, ekonomikanyń belsendiliginiń negizin - qurylys salasyndaǵy 11,2 paiyzǵa ósim, aýyl sharýashylyǵyndaǵy 5,6 paiyz jáne óńdeý ónerkásibindegi 3,9 paiyzǵa ósim qurady. Paidalanýǵa berilgen turǵyn úi kólemi 16,8 paiyzǵa ósip, 15,3 mln sharshy metrge jetti. Óńdeý ónerkásibindegi - ósim mashina jasaýdaǵy 16 paiyz, onyń ishinde avtomobil jasaýda 53 paiyz, farmatsevtikada 47 paiyz, metallýrgiiada 2,6 jáne jeńil ónerkásiptegi 15 paiyz ósim esebinen qamtamasyz etildi. Degenmen, OPEK+ kelisimderin oryndaý qajettiligine bailanysty taý-ken óndirý ónerkásibiniń damý serpini shekteýli boldy.
«Negizgi kapitalǵa investitsiialar taý-ken óndirý ónerkásibin qospaǵanda 14,8 paiyzǵa ósti. Sonymen birge, negizgi kapitalǵa salynǵan investitsiialardyń jalpy kólemi ótken jyly 3,4-ke qysqardy. Bul OPEK+ kelisimin oryndaý aiasynda munai óndirý kóleminiń qysqarýynyń jáne munaidyń álemdik baǵalarynyń tómendeýi saldarynan elimizdiń munai-gaz salasynyń 3 iri jobasy - Qashaǵan, TShO jáne Qarashyǵanaq boiynsha investitsiialardyń qysqarýyna bailanysty bolyp otyr. Qyzmet kórsetý sektory karantin shekteýi sharalarynyń engizilýine bailanysty 5,6 paiyzǵa tómendedi», - dedi ol.
Úkimet basshysynyń dereginshe, jyldyq infliatsiia 7,5 paiyzdy qurady. Jumyssyzdyqtyń 5 paiyz deńgeiinde saqtalýy qamtamasyz etildi. Bul Jumyspen qamtýdyń jol kartasyn jáne daǵdarysqa qarsy qabyldanǵan sharalardyń tiimdi iske asyrylýynyń nátijesinde boldy.
«Jetekshi halyqaralyq kredittik agenttikter jáne halyqaralyq valiýta qory men Dúniejúzilik bank ulttyq ekonomikanyń ornyqty ekenin atap ótti», - dedi Asqar Mamin.
