Qazaqstanda 2026 jylǵy jazǵy týristik maýsymǵa daiyndyq aiasynda týristik aimaqtarda qaýipsizdik, infraqurylym jáne kólik qatynasyn jaqsartý jumystary júrgizilýde, dep habarlaidy Ult.kz.
Bul týraly Ortalyq kommýnikatsiialar qyzmetinde ótken brifingte Nurbol Baijanov málimdedi.
Onyń aitýynsha, Alakól, Balqash, Býrabai, Kaspii teńiziniń jaǵalaýy jáne Shyǵys Qazaqstan baǵyttaryn qosa alǵanda, segiz iri týristik aimaqta tekserý júrgizilgen. Óńirlerde qutqarý beketteri, kommýnaldyq jaǵajailar, sanitarlyq nysandar men vizit-ortalyqtar salynyp jatyr. Sonymen qatar beinebaqylaý júieleri keńeitilip, qaýipsizdik sharalary kúsheitilýde.
Kýrorttyq aimaqtardaǵy kólik qoljetimdiligine de basymdyq berilgen. Alakól baǵyty boiynsha Úsharalǵa áýe jáne temirjol reisteri kúsheitilse, Balqashta áýejaidy jańǵyrtý jáne jańa áýe baǵyttaryn ashý jumystary jalǵasýda.
Sondai-aq Býrabai, Qonaev, Mańǵystaý, Shyǵys Qazaqstan jáne Pavlodar óńirlerinde týristik infraqurylymdy jańartý, joldardy jóndeý jáne demalys aimaqtaryn abattandyrý jumystary júrgizilip jatyr.
Budan bólek, biyl elde mádeni, sporttyq jáne gastronomiialyq baǵyttaǵy 55 iri is-shara ótkizý josparlanǵan.
