2020 جىلى جىلدىق ينفلياتسييا 7,5 پايىزدى قۇرادى. بۇل تۋرالى ٷكٸمەتتٸڭ كەڭەيتٸلگەن وتىرىسىندا پرەمەر-مينيستر اسقار مامين ايتتى, دەپ حابارلايدى قازاقپارات.
«ٶتكەن جىل پاندەمييا سالدارىنان تۋىنداعان جاھاندىق ەكونوميكالىق داعدارىسپەن ەرەكشەلەندٸ. بۇل رەتتە, ٷكٸمەت ەلٸمٸزدٸڭ ەكونوميكاسىنىڭ تۇراقتىلىعىن قامتاماسىز ەتۋگە, حالىقتىڭ ٶمٸر سٷرۋ ساپاسى مەن دەڭگەيٸن, ەل-اۋقاتىن ساقتاپ قالۋعا, مەملەكەتتٸڭ حالىقتىڭ الدىنداعى ەلەۋمەتتٸك مٸندەتتەمەلەرٸن تولىعىمەن ورىنداۋعا, سونىمەن بٸرگە, ەلٸمٸزدەگٸ سانيتارلىق-ەپيدەميولوگييالىق احۋالدى تۇراقتاندىرۋعا باعىتتالعان ناقتى شارالاردى قابىلدادى. دەر كەزٸندە قابىلداعان شارالار قازاقستان ەكونوميكاسىنىڭ تٶمەندەۋٸن 2,6 پايىزعا دەيٸن شەكتەۋگە مٷمكٸندٸك بەردٸ. ەكونوميكانىڭ نەگٸزگٸ سالالارى - ەكونوميكانىڭ ورنىقتى ٶسۋٸنٸڭ باستى فاكتورى بولدى. تاۋارلار ٶندٸرٸسٸنٸڭ كٶلەمٸ 2 پايىزعا ٶستٸ», - دەدٸ ٷكٸمەت باسشىسى.
ونىڭ ايتۋىنشا, ەكونوميكانىڭ بەلسەندٸلٸگٸنٸڭ نەگٸزٸن - قۇرىلىس سالاسىنداعى 11,2 پايىزعا ٶسٸم, اۋىل شارۋاشىلىعىنداعى 5,6 پايىز جەنە ٶڭدەۋ ٶنەركەسٸبٸندەگٸ 3,9 پايىزعا ٶسٸم قۇرادى. پايدالانۋعا بەرٸلگەن تۇرعىن ٷي كٶلەمٸ 16,8 پايىزعا ٶسٸپ, 15,3 ملن شارشى مەترگە جەتتٸ. ٶڭدەۋ ٶنەركەسٸبٸندەگٸ - ٶسٸم ماشينا جاساۋداعى 16 پايىز, ونىڭ ٸشٸندە اۆتوموبيل جاساۋدا 53 پايىز, فارماتسەۆتيكادا 47 پايىز, مەتاللۋرگييادا 2,6 جەنە جەڭٸل ٶنەركەسٸپتەگٸ 15 پايىز ٶسٸم ەسەبٸنەن قامتاماسىز ەتٸلدٸ. دەگەنمەن, وپەك+ كەلٸسٸمدەرٸن ورىنداۋ قاجەتتٸلٸگٸنە بايلانىستى تاۋ-كەن ٶندٸرۋ ٶنەركەسٸبٸنٸڭ دامۋ سەرپٸنٸ شەكتەۋلٸ بولدى.
«نەگٸزگٸ كاپيتالعا ينۆەستيتسييالار تاۋ-كەن ٶندٸرۋ ٶنەركەسٸبٸن قوسپاعاندا 14,8 پايىزعا ٶستٸ. سونىمەن بٸرگە, نەگٸزگٸ كاپيتالعا سالىنعان ينۆەستيتسييالاردىڭ جالپى كٶلەمٸ ٶتكەن جىلى 3,4-كە قىسقاردى. بۇل وپەك+ كەلٸسٸمٸن ورىنداۋ اياسىندا مۇناي ٶندٸرۋ كٶلەمٸنٸڭ قىسقارۋىنىڭ جەنە مۇنايدىڭ ەلەمدٸك باعالارىنىڭ تٶمەندەۋٸ سالدارىنان ەلٸمٸزدٸڭ مۇناي-گاز سالاسىنىڭ 3 ٸرٸ جوباسى - قاشاعان, تشو جەنە قاراشىعاناق بويىنشا ينۆەستيتسييالاردىڭ قىسقارۋىنا بايلانىستى بولىپ وتىر. قىزمەت كٶرسەتۋ سەكتورى كارانتين شەكتەۋٸ شارالارىنىڭ ەنگٸزٸلۋٸنە بايلانىستى 5,6 پايىزعا تٶمەندەدٸ», - دەدٸ ول.
ٷكٸمەت باسشىسىنىڭ دەرەگٸنشە, جىلدىق ينفلياتسييا 7,5 پايىزدى قۇرادى. جۇمىسسىزدىقتىڭ 5 پايىز دەڭگەيٸندە ساقتالۋى قامتاماسىز ەتٸلدٸ. بۇل جۇمىسپەن قامتۋدىڭ جول كارتاسىن جەنە داعدارىسقا قارسى قابىلدانعان شارالاردىڭ تيٸمدٸ ٸسكە اسىرىلۋىنىڭ نەتيجەسٸندە بولدى.
«جەتەكشٸ حالىقارالىق كرەديتتٸك اگەنتتٸكتەر جەنە حالىقارالىق ۆاليۋتا قورى مەن دٷنيەجٷزٸلٸك بانك ۇلتتىق ەكونوميكانىڭ ورنىقتى ەكەنٸن اتاپ ٶتتٸ», - دەدٸ اسقار مامين.
