Ótken 2020 jyl qorytyndysyna orai Ózbekstannan kóship ketkenderdiń sany elge kóship kelgenderge qaraǵanda 12,5 myńǵa kóbeigen, dep habarlaidy ÝzA agenttigi.
Memlekettik statistika komitetiniń Ózbekstandaǵy kóshi-qon jaǵdaiy týraly aqparatynda, 2020 jyly Ózbekstannan 203,7 myń adam kóship ketken. Sonymen qatar 191,2 myń adam elge qonys aýdarǵan. Pandemiia jaǵdaiynda shekaralar uzaq ýaqyt jabyq bolǵanyna qaramastan, kóshi-qon kórsetkishteri 2019 jylmen salystyrǵanda birshama kóp.
Ózbekstanǵa qonys aýdarýshylardyń basym bóligi Qazaqstan (jalpy migranttardyń 37%-y), Resei (22,3%) jáne Tájikstan (20%) elderinen kelgender bolsa, shetelge ketken azamatardyń deni Qazaqstanǵa (64,3%) jáne Reseige (29,3%) kóshken.
2019 jylǵy statistika boiynsha 169,5 myń azamat shetelge qonys aýdarǵan, al syrttan elge qonys aýdarǵandar sany 158,9 myńdy quraǵan.
