Saýda jáne integratsiia ministri Baqyt Sultanov elektrondy saýda kóleminiń ósimi týraly aitty, dep habarlaidy QazAqparat.
«Bizdiń osy salany damytýda elektrondy kommertsiiaǵa da ekpin qoiyp otyrmyz. Bul álemdik trend indettiń taralýy kezeńinde nyǵaidy. Ótken jyly Qazaqstanda elektrondy naryq 700 mlrd teńgeden sál ǵana asqan bolsa, al 2020 jyldyń birinshi jartyjyldyǵynda onlain-saýda kólemi 432 mlrd teńgege jetti», - dedi ministr onlain rejimde halyq aldynda esep berý kezinde.
Onyń aitýynsha, jyl sońyna deiin bul kórsetkish 900 mlrd teńgege jetýi múmkin.
«2022 jylǵa qarai onlain-saýda kólemi eki trln teńgege jetýi yqtimal nemese eldegi bólshek saýdanyń 13 paiyzyn qamtymaq. Bizdiń boljamǵa súiensek, 2025 jylǵa qarai elektrondy kommertsiia úlesi bólshek naryqtyń 15 paiyzyna jetedi», - dedi Sultanov.
