ساۋدا جەنە ينتەگراتسييا مينيسترٸ باقىت سۇلتانوۆ ەلەكتروندى ساۋدا كٶلەمٸنٸڭ ٶسٸمٸ تۋرالى ايتتى, دەپ حابارلايدى قازاقپارات.
«بٸزدٸڭ وسى سالانى دامىتۋدا ەلەكتروندى كوممەرتسيياعا دا ەكپٸن قويىپ وتىرمىز. بۇل ەلەمدٸك ترەند ٸندەتتٸڭ تارالۋى كەزەڭٸندە نىعايدى. ٶتكەن جىلى قازاقستاندا ەلەكتروندى نارىق 700 ملرد تەڭگەدەن سەل عانا اسقان بولسا, ال 2020 جىلدىڭ بٸرٸنشٸ جارتىجىلدىعىندا ونلاين-ساۋدا كٶلەمٸ 432 ملرد تەڭگەگە جەتتٸ», - دەدٸ مينيستر ونلاين رەجيمدە حالىق الدىندا ەسەپ بەرۋ كەزٸندە.
ونىڭ ايتۋىنشا, جىل سوڭىنا دەيٸن بۇل كٶرسەتكٸش 900 ملرد تەڭگەگە جەتۋٸ مٷمكٸن.
«2022 جىلعا قاراي ونلاين-ساۋدا كٶلەمٸ ەكٸ ترلن تەڭگەگە جەتۋٸ ىقتيمال نەمەسە ەلدەگٸ بٶلشەك ساۋدانىڭ 13 پايىزىن قامتىماق. بٸزدٸڭ بولجامعا سٷيەنسەك, 2025 جىلعا قاراي ەلەكتروندى كوممەرتسييا ٷلەسٸ بٶلشەك نارىقتىڭ 15 پايىزىنا جەتەدٸ», - دەدٸ سۇلتانوۆ.
