2020 jyly memlekettik biýdjettiń kiristeri 2,7 paiyz artyq oryndaldy. Bul týraly búgin Úkimet otyrysynda QR Qarjy ministri Erulan Jamaýbaev aitty, dep habarlaidy "Ult aqparat".
«Salyq jáne kedendik ákimshilendirý – Úkimettiń aldynda turǵan mańyzdy máselerdiń biri. Osy baǵyttaǵy istelgen jumys qorytyndylary men aǵymdaǵy jylǵy mindetter týraly baiandap ótemin. Byltyr memlekettik biýdjettiń kiristeri boiynsha jospar 2,7, respýblikalyq biýdjet 0,3 jáne jergilikti biýdjet 8,1 paiyz artyq oryndaldy. Pandemiiaǵa qaramastan, memlekettik biýdjettiń kiristeri is júzinde 2019 jylǵy deńgeide qaldy dep aitýǵa bolady», - dedi ministr.
Onyń dpereginshe, salyqtardyń qurylymynda korporativtik tabys salyǵy – 3,5, Eýraziialyq ekonomikalyq odaqtyń taýarlary boiynsha qosylǵan qun salyǵy – 1,8, sondai-aq eńbekaqy tóleý qorynan salyqtar – 5,3paiyzǵa ulǵaidy.
«Negizgi kedendik tólemder boiynsha túsimder tómendedi. Bul syrtqy jáne ishki ekonomikalyq ahýalǵa tikelei bailanysty», - dedi Erulan Jamaýbaev.
Ministr munai jáne metaldar baǵasynyń tómendeýi esebinen taý-ken ónerkásibindegi túsimder 43 jáne ǵylym men tehnikalyq sektor túsimderi 29 paiyzǵa tómendegenin aitty.
«Qalǵan barlyq sektorlar boiynsha túsimder 1,3-ten 10,3 paiyzǵa deiin ósti. Sońǵy jyldary salyqtyq-kedendik ákimshilendirýde oń dinamika baiqalýda», - dedi ol.
