2020 jyly Qazaqstanda qaitalama naryqtaǵy úilerdiń baǵasy 13,2 paiyzǵa qymbattady, dep habarlaidy "Ult aqparat".
QR Strategiialyq josparlaý jáne reformalar agenttigi Ulttyq statistika biýrosynan málim etkendei, 2020 jylǵy jeltoqsanda (2019 jylǵy jeltoqsanmen salystyrǵanda) qaitalama naryqtaǵy abattandyrylǵan turǵyn úilerdi satý baǵasy – 13,2 paiyzǵa, jańa turǵyn úilerdiń quny 5 paiyzǵa ósti. Abattandyrylǵan baspanany jalǵa alý tólemi 8,1 paiyzǵa joǵarylady.
Jańadan salynǵan úilerdiń 1 sharshy metriniń respýblika boiynsha ortasha baǵasy – 307 600 teńge, qaitalama naryqtaǵy úilerdiń 1 sharshy metriniń quny 228 218 teńge kóleminde qalyptasyp otyr.
Abattandyrylǵan úilerdiń arendasy 1 sharshy metri úshin 1639 teńgeni qurap otyr.
