2020 jyly elordada josparlanǵan 6 balabaqshanyń bireýi ǵana salyndy. Bul týraly Nur-Sultan qalalyq Bilim basqarmasy basshysynyń mindetin atqarýshy Dýlat Shoǵanbai aitty, dep habarlaidy QazAqparat.
«Nur-Sultan qalasynda memlekettik jekeshelik-seriktestik jobalary boiynsha kelisimsharttardy jasaý barysynda mindetti tólem merzimi 2018-2023 jyldary dep kórsetilgen. Buǵan qosa, memlekettik jekeshelik-seriktestik jobalarynyń kelisimshartyna sáikes, investitsiialyq shyǵyndardyń ótemaqysyn tóleý balabaqshalar paidalanýǵa berilgennen keiin júzege asyrylady. Ótken jyly 2018 jyly josparlanǵan alty balabaqshanyń bireýiniń ǵana qurysy aiaqtaldy. Osyǵan orai, erejeden «2018 jáne 2023 jyldary aralyǵy» degen sózdi alyp tastaý qajet», - dedi ol elorda máslihaty áleýmettik-mádeni damý máseleleri jónindegi turaqty komissiiasynyń otyrysynda.
Sonymen qatar ol erejege engiziletin taǵy bir ózgeris jaiynda aitty.
«1-tarmaqtyń 2-tarmaqshasynda 1 541 503 000 teńge somadaǵy mindettemeni alyp tastaý qajet. Bul «Ýspeh gold 8» JShS-nyń Hýsein ben Talal dańǵyly men №38 kóshe qiylysynda 360 orynǵa arnalǵan balabaqsha qurylysyn júrgizý boiynsha mindettemesin oryndamaýyna bailanysty», - dedi Dýlat Shoǵanbai.
