2020 jyly Bilim jáne ǵylym ministrligine 6,5 myń shaǵym tústi. Bul týraly halyqqa esep berý kezdesýinde QR Bilim jáne ǵylym ministri Ashat Aimaǵambetov aitty, dep habarlaidy QazAqparat.
«Ministrlikke kóptegen ótinishter men aryz, shaǵymdar túsip jatady. 2020 jyly jalpy qujat ainalymyn qarastyrar bolsaq, tek qana ministrliktiń ózinde 115 myń hat, onyń ishinde 6 500 aryz-shaǵym túsken eken. Bul kórsetkish 2019 jylmen qaraǵanda 2 ese artyq. Ministrliktiń kómek kórsetý ortalyǵyna 20 myńnan astam qońyraý kelip túsken. Olarǵa tiisti jaýaptar qaitaryldy. Ministrliktiń áleýmettik blogynyń ózine 2 500 aryz, shaǵym jáne 6 myń habarlama qarastyryldy. Bul da Memleket basshysy belgilegen «halyq únine qulaq asatyn memleket» tujyrymdamasynyń aiasynda istelip jatqan jumystyń bir kórinisi dep aita alamyz», - dedi Ashat Aimaǵambetov.
Sonymen qatar ol Bilim ministrligi Memleket basshysynyń tapsyrmasy aiasynda jumysyn ashyq ótkizip jatqanyn aitty. Ár juma saiyn ótetin vedomstvonyń apparat jinalysy da áleýmettik jelide tikelei efirde kórsetiletindigin eske saldy.
