2020 جىلى بٸلٸم جەنە عىلىم مينيسترلٸگٸنە 6,5 مىڭ شاعىم تٷستٸ. بۇل تۋرالى حالىققا ەسەپ بەرۋ كەزدەسۋٸندە قر بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى قازاقپارات.
«مينيسترلٸككە كٶپتەگەن ٶتٸنٸشتەر مەن ارىز, شاعىمدار تٷسٸپ جاتادى. 2020 جىلى جالپى قۇجات اينالىمىن قاراستىرار بولساق, تەك قانا مينيسترلٸكتٸڭ ٶزٸندە 115 مىڭ حات, ونىڭ ٸشٸندە 6 500 ارىز-شاعىم تٷسكەن ەكەن. بۇل كٶرسەتكٸش 2019 جىلمەن قاراعاندا 2 ەسە ارتىق. مينيسترلٸكتٸڭ كٶمەك كٶرسەتۋ ورتالىعىنا 20 مىڭنان استام قوڭىراۋ كەلٸپ تٷسكەن. ولارعا تيٸستٸ جاۋاپتار قايتارىلدى. مينيسترلٸكتٸڭ ەلەۋمەتتٸك بلوگىنىڭ ٶزٸنە 2 500 ارىز, شاعىم جەنە 6 مىڭ حابارلاما قاراستىرىلدى. بۇل دا مەملەكەت باسشىسى بەلگٸلەگەن «حالىق ٷنٸنە قۇلاق اساتىن مەملەكەت» تۇجىرىمداماسىنىڭ اياسىندا ٸستەلٸپ جاتقان جۇمىستىڭ بٸر كٶرٸنٸسٸ دەپ ايتا الامىز», - دەدٸ اسحات ايماعامبەتوۆ.
سونىمەن قاتار ول بٸلٸم مينيسترلٸگٸ مەملەكەت باسشىسىنىڭ تاپسىرماسى اياسىندا جۇمىسىن اشىق ٶتكٸزٸپ جاتقانىن ايتتى. ەر جۇما سايىن ٶتەتٸن ۆەدومستۆونىڭ اپپارات جينالىسى دا ەلەۋمەتتٸك جەلٸدە تٸكەلەي ەفيردە كٶرسەتٸلەتٸندٸگٸن ەسكە سالدى.
