2020 jyldyń qorytyndysy boiynsha 184,7 myń otbasyndaǵy 936,2 myń adamǵa ataýly áleýmettik kómek (budan ári – AÁK) taǵaiyndaldy. Bul maqsatqa biýdjetten 75,3 mlrd teńge bólindi, dep habarlaidy QR Eńbek jáne halyqty áleýmettik qorǵaý ministrliginiń baspasóz qyzmeti.
AÁK otbasynyń árbir múshesine jan basyna shaqqandaǵy ortasha tabysy óńirlik eń tómengi kúnkóris deńgeiiniń 70%-ynan tómen azamattarǵa taǵaiyndalady.
Budan basqa, AÁK kórsetýdiń jańa tetigin iske asyrý sheńberinde elimizdiń barlyq óńirinde tabysy az otbasylardyń mektep jasyna deiingi balalaryn kepildik berilgen áleýmettik toptamamen (budan ári – áleýmettik toptama) qamtamasyz etý boiynsha jumys júrgizilýde.
2020 jyldyń qorytyndysy boiynsha AÁK alýshylar qataryndaǵy 1 jastan 6 jasqa deiingi 218,2 myń bala azyq-túlik jáne turmystyq himiia jiyntyǵy túrinde áleýmettik toptama aldy.
Esterińizge sala keteiik, 119,7 myń otbasyndaǵy 614,3 myńnan astam qazaqstandyqqa 2020 jylǵy IV toqsanda ataýly áleýmettik kómek taǵaiyndaý memlekettik instantsiiaǵa júginbei-aq avtomatty túrde uzartyldy.
AÁK alýshylarǵa budan buryn, II jáne III toqsanda TJ rejimi men karantindik shekteý sharalarynyń qoldanylýyna bailanysty kómek taǵaiyndaý uzartylǵan bolatyn.
Sonymen qatar, atalǵan praktika 2021 jylǵy 1 toqsanda barlyq AÁK alýshylarǵa qoldanyldy. Bul sharalar halyq arasynda virýstyq infektsiianyń taralý qaýpin azaitýǵa múmkindik beredi.
