Túzetilgen makroekonomikalyq boljam negizinde 2020 jylǵa arnalǵan respýblikalyq biýdjet parametrleriniń boljamy naqtylandy. Bul týraly Ulttyq ekonomika ministri Rýslan Dálenov málim etti, dep habarlaidy "Ult aqparat".
«Respýblikalyq biýdjettiń kiristeri (transfertterdi esepke almaǵanda) 2020 jyly 6 trln 539 mlrd teńge kóleminde baǵalanýda. Ulttyq qordan kepildendirilgen transfert ózgermeidi jáne 4 trln 770 mlrd teńge kóleminde saqtalady», - dedi ministr Parlament Májilisiniń jalpy otyrysynda.
Respýblikalyq biýdjet shyǵystary bekitilgen kólemge qaraǵanda 205 mlrd teńgege ulǵaiyp, 14 trln 475 mlrd teńge kóleminde boljanyp otyr.
Biýdjet tapshylyǵy jalpy ishki ónimge qatysty 3,5 paiyz deńgeiinde saqtalady.
«Usynylyp otyrǵan parametrler respýblikalyq biýdjettiń turaqtylyǵyn qamtamasyz etetin bolady», - dedi Rýslan Dálenov.
