Qazaqstanda 2020 jylǵy 11 aidyń qorytyndysy boiynsha farmatsevtikalyq ónerkásip óndirisiniń kólemi 39,5 paiyzǵa ósti. Osy kórsetkish arqyly «Himfarm» AQ-nyń óndirisi 2 ese, «Dolche» JShS óndirisi 18 paiyzǵa jáne «Abdi Ibragim global farm» kompaniiasynyń óndirisi 62 paiyzǵa óskenin ańǵarýǵa bolady, dep habarlaidy "Ult aqparat".
Biryńǵai distribiýtor «SQ-Farmatsiia» kompaniiasynyń kómegimen kepildendirilgen tegin meditsinalyq dári-dármekti jetkizý men meditsinalyq qurylǵylarǵa degen suranys farmatsevtikalyq ósimge yqpalyn tigizdi. Aýrýhanalarda asa qajetti dári-dármektiń eki ailyq qory jinaqtaldy. Azamattarǵa KVI boiynsha PTR testiden ótý múmkindigi berildi, al bul qyzmettiń baǵasy eki ese arzandady.
Biologiialyq qaýipsizdik problemalary ǵylymi-zertteý institýtynyń ǵalymdary koronavirýsqa qarsy QazCovid-in vaktsinasyn oilap tapty. Osy vaktsinanyń alǵashqy eki synaǵy sátti ótti. 2020 jylǵy 19 jeltoqsanda vaktsina synaǵynyń úshinshi kezeńi bastaldy.
Jambyl oblysynyń Qordai aýdanynyń aýmaǵynda koronavirýsqa qarsy vaktsina zaýyty salynyp jatyr. 2021 jylǵy naýryz aiynda alǵashqy vaktsinalar daiyn bolady. Zaýyt 30 millionnan 60 millionǵa deiin vaktsina ázirleýge qaýqarly.
Sonymen qatar Almaty, Qyzylorda, Qostanai, Óskemen, Shymkent, Kókshetaý men basqa da qalalarda 70-ke jýyq tigin kásiporny maska tigip jatyr. Bul kásiporyndar kúnine 700 myńdai maska tigedi.
