قازاقستاندا 2020 جىلعى 11 ايدىڭ قورىتىندىسى بويىنشا فارماتسەۆتيكالىق ٶنەركەسٸپ ٶندٸرٸسٸنٸڭ كٶلەمٸ 39,5 پايىزعا ٶستٸ. وسى كٶرسەتكٸش ارقىلى «حيمفارم» اق-نىڭ ٶندٸرٸسٸ 2 ەسە, «دولچە» جشس ٶندٸرٸسٸ 18 پايىزعا جەنە «ابدي يبراگيم گلوبال فارم» كومپانيياسىنىڭ ٶندٸرٸسٸ 62 پايىزعا ٶسكەنٸن اڭعارۋعا بولادى, دەپ حابارلايدى "ۇلت اقپارات".
بٸرىڭعاي ديستريبيۋتور «سق-فارماتسييا» كومپانيياسىنىڭ كٶمەگٸمەن كەپٸلدەندٸرٸلگەن تەگٸن مەديتسينالىق دەرٸ-دەرمەكتٸ جەتكٸزۋ مەن مەديتسينالىق قۇرىلعىلارعا دەگەن سۇرانىس فارماتسەۆتيكالىق ٶسٸمگە ىقپالىن تيگٸزدٸ. اۋرۋحانالاردا اسا قاجەتتٸ دەرٸ-دەرمەكتٸڭ ەكٸ ايلىق قورى جيناقتالدى. ازاماتتارعا كۆي بويىنشا پتر تەستٸدەن ٶتۋ مٷمكٸندٸگٸ بەرٸلدٸ, ال بۇل قىزمەتتٸڭ باعاسى ەكٸ ەسە ارزاندادى.
بيولوگييالىق قاۋٸپسٸزدٸك پروبلەمالارى عىلىمي-زەرتتەۋ ينستيتۋتىنىڭ عالىمدارى كوروناۆيرۋسقا قارسى QazCovid-in ۆاكتسيناسىن ويلاپ تاپتى. وسى ۆاكتسينانىڭ العاشقى ەكٸ سىناعى سەتتٸ ٶتتٸ. 2020 جىلعى 19 جەلتوقساندا ۆاكتسينا سىناعىنىڭ ٷشٸنشٸ كەزەڭٸ باستالدى.
جامبىل وبلىسىنىڭ قورداي اۋدانىنىڭ اۋماعىندا كوروناۆيرۋسقا قارسى ۆاكتسينا زاۋىتى سالىنىپ جاتىر. 2021 جىلعى ناۋرىز ايىندا العاشقى ۆاكتسينالار دايىن بولادى. زاۋىت 30 ميلليوننان 60 ميلليونعا دەيٸن ۆاكتسينا ەزٸرلەۋگە قاۋقارلى.
سونىمەن قاتار الماتى, قىزىلوردا, قوستاناي, ٶسكەمەن, شىمكەنت, كٶكشەتاۋ مەن باسقا دا قالالاردا 70-كە جۋىق تٸگٸن كەسٸپورنى ماسكا تٸگٸپ جاتىر. بۇل كەسٸپورىندار كٷنٸنە 700 مىڭداي ماسكا تٸگەدٸ.
